قاسىم-جومارت توقاەۆ ورتالىق ازيا مەملەكەتتەرى باسشىلارىنىڭ VII كونسۋلتاتيۆتىك كەزدەسۋىندە جابىق شەكارالار مەن وقشاۋلانۋدىڭ ۋاقىتى وتكەنىن اتاپ ءوتتى. وسى ورايدا ورتالىق ازيا اۋقىمدى ترانسفورماتسيا كەزەڭىن وتكەرىپ جاتىر. ورتاق كۇش-جىگەردىڭ ارقاسىندا ءوڭىردىڭ ىشكى بىرلىگى ارتتى, دەپ جازادى Egemen.kz.
– بۇل ەلدەرىمىزدىڭ دامۋىنا جانە حالىقارالىق ىنتىماقتاستىققا كەڭىنەن جول اشتى. الەمنىڭ الدىڭعى قاتارلى مەملەكەتتەرى ءوڭىردىڭ جاھاندىق ۇدەرىستەردە ماڭىزدى ءرول اتقاراتىنىن مويىندايدى. سوندىقتان «ورتالىق ازيا پليۋس» فورماتىنا قىزىعۋشىلىق ارتىپ كەلەدى. بۇعان بيىل نەگىزگى شەتەلدىك سەرىكتەستەرمەن وتكەن سامميتتەر دالەل بولا الادى. مەنىڭ ويىمشا, مۇنداي سەرىكتەستىكتىڭ باستى ماقساتى – وڭىردەگى تۇراقتىلىقتى نىعايتۋ جانە ورنىقتى پروگرەسس ءۇشىن جاعداي جاساۋ, ەلدەرىمىز بەن حالىقتارىمىزدىڭ ءال-اۋقاتىن, باقۋاتتى تۇرمىسىن قامتاماسىز ەتۋ. ورتالىق ازيانىڭ الەۋمەتتىك-ەكونوميكالىق تۇرعىدان قارقىندى دامىعان ءارى جان-جاقتى ىنتىماقتاستىق پەن بەيبىتشىلىك ورناعان بەرەكەلى ءوڭىر رەتىندەگى مارتەبەسىن نىعايتۋدى كوزدەيمىز, – دەدى قازاقستان پرەزيدەنتى.
سونداي-اق قاسىم-جومارت توقاەۆ ازەربايجان پرەزيدەنتى يلحام اليەۆكە ءىلتيپات ءبىلدىرىپ, ازەربايجاننىڭ اتالعان كەڭەسكە تولىق مۇشە رەتىندە قوسىلۋىن تاريحي شەشىم دەپ باعالادى. ورتالىق ازيا مەملەكەتتەرى باسشىلارىنىڭ كونسۋلتاتيۆتىك كەزدەسۋلەرى ءوز تيىمدىلىگىن دالەلدەگەنىن ايتتى.
تاشكەنت