بۇگىن استانا قالاسىندا اۋىل شارۋاشىلىعى ەڭبەككەرلەرىنىڭ II فورۋمى ءوتتى. اتالعان فورۋمعا ۇلىتاۋ وبلىسىنان 30-عا جۋىق شارۋا قوجالىعى, ديقاندار مەن اۋىل شارۋاشىلىعى سالاسىنىڭ وكىلدەرى قاتىستى, دەپ حابارلايدى Egemen.kz.
ايتۋلى جيىندا پرەزيدەنت قاسىم-جومارت توقاەۆ ۇلىتاۋ وبلىسىنىڭ اۋىل شارۋاشىلىعى ەڭبەككەرى اسقار مۇحانبەتجانوۆتى «ەرەن ەڭبەگى ءۇشىن» مەدالىمەن ماراپاتتادى. اسقار ءالي ۇلى جەزقازعان قالاسىندا ورنالاسقان «اياس» شارۋا قوجالىعىنىڭ باسشىسى. قوجالىق مال شارۋاشىلىعىمەن اينالىسادى. اسقار مۇحانبەتجانوۆ جارمەڭكەلەردە حالىققا ساپالى اۋىل شارۋاشىلىعى ونىمدەرىن ۇسىنىپ كەلەدى. سونىمەن قاتار وڭىردە ۇيىمداستىرىلاتىن مادەني جانە قوعامدىق ءىس-شارالارعا بەلسەنە اتسالىسادى.
كوپ جىلدىق تاجىريبەسى بار كاسىپكەر ۇجىم اراسىندا دا, جەرگىلىكتى تۇرعىندار اراسىندا دا زور قۇرمەت پەن بەدەلگە يە.
ۇلىتاۋ وبلىسى