ءال-فارابي اتىنداعى قازۇۋ-ءنىڭ ءباسپاسوز قىزمەتى قوعام بەلسەندىسى سانجار بوقاەۆتىڭ سىنىنان كەيىن جولداسبەكوۆ اتىنداعى ستۋدەنتتەر سارايىنىڭ ەسكيزدەرىمەن ءبولىستى, دەپ حابارلايدى Egemen.kz.
جولداسبەكوۆ اتىنداعى ستۋدەنتتەر سارايى پايدالانۋعا بەرىلگەننەن بەرى 30 جىل بويى كۇردەلى جوندەۋدەن وتپەگەن. سونىڭ سالدارىنان عيمارات توزىپ, تەحنيكالىق جاعدايى ايتارلىقتاي ناشارلاعان.
2023 جىلى اككرەديتتەلگەن ۇيىم عيماراتتىڭ تەحنيكالىق جاعدايىن تەكسەرىپ, تىرەۋىش جانە قورشاۋ كونسترۋكتسيالارىنان بىرقاتار اقاۋلار انىقتادى: جەكەلەگەن تەمىربەتون ارقالىقتار مەن قابىرعالاردىڭ بولماۋى, تىرەۋىش كولوننالاردىڭ توت باسۋى جانە قيسايۋى, ءتۇيىسۋ بولىكتەرىنىڭ بۇزىلۋى, جىلۋ وقشاۋلاۋ قاباتى مەن شاتىر جابىندىسىنىڭ زاقىمدانۋى. اقاۋلاردىڭ باسىم بولىگى ارلەۋ قاباتتارىنىڭ استىندا جاسىرىلعان.
قولدانىستاعى قۇرىلىس نورمالارىنا سايكەس, عيماراتتارعا كۇردەلى جوندەۋ ءار 20-25 جىل سايىن جۇرگىزىلۋى ءتيىس. سونىمەن قاتار 2024 جىلعى قاڭتار ايىندا الماتىدا بولعان جەر سىلكىنىستەرى عيماراتقا ەلەۋلى زاقىم كەلتىردى.
انىقتالعان اقاۋلار مەن سەيسميكالىق قاۋىپتەردى ەسكەرىپ, ۋنيۆەرسيتەت عيماراتتىڭ ساۋلەتتىك كەلبەتىن ساقتاي وتىرىپ, ونىڭ كونسترۋكتسيالىق بەرىكتىگى مەن قاۋىپسىزدىگىن قامتاماسىز ەتۋ ماقساتىندا نىساندى قايتا جاڭعىرتۋ تۋرالى شەشىم قابىلدادى.
ايتا كەتەيىك, جەلىدە قوعام قايراتكەرى سانجار بوقاەۆتىڭ قازۇۋ اۋماعىندا ورنالاسقان جولداسبەكوۆ اتىنداعى ستۋدەنتتەر سارايىندا جۇرگىزىلىپ جاتقان قۇرىلىس جۇمىستارىنا سىن ايتقان ۆيدەوسى جاريالانعان ەدى. وندا ول عيماراتتىڭ قاسبەتىندەگى تاس قاباتىنىڭ بۇزىلىپ جاتقانىن اتاپ ءوتىپ, بۇل نىساننىڭ اۋقىمدى رەستاۆراتسيانى قاجەت ەتپەيتىنىن ايتتى. ول مۇنى ء«ۆانداليزمنىڭ تاعى ءبىر كورىنىسى» دەپ اتاپ, سارايدىڭ جاقسى كۇيدە ەكەنىن جانە ءالى ۇزاق ۋاقىت بويى تۇراتىنىن جەتكىزدى.