قاراعاندى وبلىسىنداعى ۇشتوبە اۋىلىندا ورنالاسقان ك. ماركس اتىنداعى قۇس فابريكاسى كەشەدەن بەرى تۇرعىندارعا تاۋىقتارىن تەگىن تاراتا باستادى. مۇنداي توسىن قادامعا ولار ونىمدەرىنىڭ وتپەي جاتقاندىعىنان بارىپ وتىر.
اتالعان قۇس فابريكاسى 2010 جىلى ءوزىنىڭ ۇزاق جىل توقتاپ تۇرعان ءوندىرىسىن ىسكە قوسىپ, سودان بەرى ءتاپ-ءتاۋىر جۇمىس ىستەپ كەلە جاتقان بولاتىن. الايدا, نارىق پەن باسەكەنىڭ قاتاڭ زاڭى كاسىپورىندى وسىنداي قادام جاساۋعا ءماجبۇر ەتتى. ەندى ولار 450 مىڭ تاۋىقتى 300 مىڭعا دەيىن ازايتپاقشى. ياعني, فابريكا تاۋىقتىڭ 30 پايىزعا جۋىعىن تۇرعىندارعا تەگىن تاراتۋ تۋرالى شەشىم قابىلدادى.
كاسىپورىن الدىنداعى ماسەلە 2014 جىلدان باستاپ تۋىنداعان بولاتىن. سول جىلدىڭ سوڭعى توقسانىندا فابريكا بولىنگەن سۋبسيديانى تولىق كولەمدە الا المادى دا, قيىن جاعدايعا تاپ بولدى. قۇس فابريكاسىنىڭ قولى جەتپەگەن قارجىنىڭ مولشەرى 395 ميلليون تەڭگەنى قۇرايدى.
قايرات ءابىلدينوۆ,
«ەگەمەن قازاقستان».
قاراعاندى وبلىسى.