كەزدەسۋ بارىسىندا ساياسي, ساۋدا-ەكونوميكالىق, ينۆەستيتسيالىق جانە گۋمانيتارلىق ىقپالداستىقتىڭ كەڭ كولەمدى ماسەلەلەرى قاراستىرىلدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەتتەر باسشىلارى ورال قالاسىندا ءوتىپ جاتقان XXI قازاقستان – رەسەي وڭىرارالىق فورۋمىنىڭ پلەنارلىق سەسسياسىنا بەينەبايلانىس ارقىلى قاتىسىپ جاتىر
بيىلعى فورۋمنىڭ تاقىرىبى – «جۇمىسشى ماماندىقتارى – ەكونوميكالىق ءوسىمنىڭ قوزعاۋشى كۇشى»
قاسىم-جومارت توقاەۆ فورۋمعا ەكى ەلدىڭ ناتيجەلى ستراتەگيالىق سەرىكتەستىگىن ايشىقتايتىن ايتۋلى شارا رەتىندە باعا بەردى
«وسى بىرەگەي الاڭدا ەكونوميكالىق, ينفراقۇرىلىمدىق جانە گۋمانيتارلىق باعىتتاعى تىڭ جوبالار دۇنيەگە كەلىپ, كەيىن وڭىرلىك دەڭگەيدە كەزەڭ-كەزەڭىمەن جۇزەگە اسىرىلىپ جاتادى.
مۇنىڭ ماڭىزى زور. ويتكەنى ەكونوميكالىق ءوسىم جانە ونەركاسىپ, عىلىم, ءبىلىم, مادەنيەت سالالارىنداعى ىنتىماقتاستىق ەڭ اۋەلى وڭىرلەردە قالىپتاسادى», دەدى قاسىم-جومارت توقاەۆ.