وبلىستىق كولىك, قۇرىلىس جانە سپورت باسقارمالارىنىڭ باسشىلار اۋىستى. كولىك باسقارماسى باسشىسى قىزمەتىنە مەرەي بايىرحان تاعايىندالدى. ول 1984 جىلى شىعىس قازاقستان وبلىسى, تارباعاتاي اۋدانىندا تۋعان.
2007 جىلى د.سەرىكباەۆ اتىنداعى شقمتۋ-دىڭ «جول قوزعالىسىن ۇيىمداستىرۋ» ماماندىعىن, 2019 جىلى قازاق كولىك جانە كوممۋنيكاتسيالار ۋنيۆەرسيتەتىنىڭ «كولىك قۇرىلىسى» ماماندىعىن تامامداعان. ەڭبەك جولىن استانا قالاسىنداعى «جولاۋشىلار تاسىمالى ورتالىعى» جشس-دا ديسپەتچەر رەتىندە باستاعان. كەيىن «استانا قالاسى جولاۋشىلار كولىگى جانە اۆتوموبيل جولدارى دەپارتامەنتى», «استانا قالاسى كوممۋنالدىق شارۋاشىلىق باسقارماسى» جانە «كولىك جانە جول-كولىك ينفراقۇرىلىمىن دامىتۋ باسقارماسى» بولىمدەرىندە ءارتۇرلى لاۋازىمدا قىزمەت اتقارعان. ول جاڭا قىزمەتكە تاعايىندالعانعا دەيىن سەمەي قالاسىنىڭ جولاۋشىلار كولىگى جانە اۆتوموبيل جولدارى ءبولىمىن باسقارعان.
قۇرىلىس باسقارماسى باسشىسى قىزمەتىنە بەكجان باپىشەۆ تاعايىندالدى. ول 1989 جىلى شىعىس قازاقستان وبلىسىندا تۋعان. 2011 جىلى س.امانجولوۆ اتىنداعى شق ۋنيۆەرسيتەتىن «قۇقىقتانۋ» ماماندىعى بويىنشا, 2024 جىلى مەملەكەتتىك باسقارۋ اكادەمياسىنىڭ ماگيستراتۋراسىن «مەملەكەتتىك ساياسات» ماماندىعى بويىنشا تامامداعان. ەڭبەك جولىن استانا قالاسى اكىمدىكتەرىندە ءارتۇرلى بولىمدەردە باستاعان. سوڭعى قىزمەتى – سەمەي قالاسىنىڭ اكىم جانە اكىمنىڭ ورىنباسارى بولدى.
سپورت باسقارماسى باسشىسى قىزمەتىنە باقىت بەكبوسىنوۆ تاعايىندالدى. ول 1988 جىلى سەمەي قالاسىندا تۋعان. 2010 جىلى سەمەي مەملەكەتتىك پەداگوگيكالىق ينستيتۋتىن «دەنە شىنىقتىرۋ جانە سپورت» ماماندىعى بويىنشا, 2013 جىلى قاينار ۋنيۆەرسيتەتىن «پەداگوگيكا جانە پسيحولوگيا» ماماندىعى بويىنشا تامامداعان. ەڭبەك جولىن دەنە شىنىقتىرۋ ءپانىنىڭ مۇعالىمى رەتىندە باستاعان. كەيىن سەمەي مەديتسينا ۋنيۆەرسيتەتىنىڭ دەنە تاربيەسى كافەدراسىنىڭ وقىتۋشىسى, اباي وبلىسىنىڭ سپورت باسقارماسىنداعى باس مامان جانە ديرەكتسيا ديرەكتورى قىزمەتتەرىن اتقارعان. سوڭعى قىزمەتى – باسقارما باسشىسىنىڭ ورىنباسارى بولدى.
اباي وبلىسى