پرەمەر-مينيستر ولجاس بەكتەنوۆ «Kazakh Invest» ۇلتتىق كومپانياسى» اق ديرەكتورلار كەڭەسىنىڭ وتىرىسىن وتكىزدى. جيىندا مەملەكەت باسشىسىنىڭ ەل ەكونوميكاسىنا ينۆەستيتسيا تارتۋ جونىندەگى تاپسىرمالارىنىڭ ورىندالۋ بارىسى قارالدى.
باسقارما توراعاسى سۇلتانعالي كەنجەقۇلوۆ «Kazakh Invest» كومپانياسىنىڭ بيىلعى 10 ايداعى قىزمەتىنىڭ قورىتىندىسى تۋرالى باياندادى. سونىمەن قاتار ۇيىمدىق قۇرىلىمدى وزگەرتۋ ماسەلەلەرىن ديرەكتورلار كەڭەسىنىڭ تالقىلاۋىنا شىعاردى. اتاپ ايتقاندا, ورتالىق كەڭسەدە قوسىمشا لاۋازىمدار ەنگىزۋ, شەتەلدەردە جاڭا وكىلدىكتەر اشۋ ۇسىنىلدى.
ۇكىمەت باسشىسى «Kazakh Invest» كومپانياسى ۇسىنىپ وتىرعان ۇيىمدىق قۇرىلىمىن قابىلدامادى, ونى دايىنداۋداعى ءۇستىرت كوزقاراستى اتاپ ءوتتى. ولجاس بەكتەنوۆ قولدانىستاعى شتات سانى شەڭبەرىندە كومپانيانى ساپالى تۇردە قايتا قۇرىلىمداۋ قاجەتتىگىنە نازار اۋداردى. جۇمىستىڭ ابدەن بيۋروكراتيالانىپ, ناقتى ناتيجەلەرگە باعىتتالماي وتىرعانىنا قاتىستى سىن ايتىلدى.
پرەمەر-مينيستر «Kazakh Invest» ەكونوميكاعا قوماقتى ينۆەستيتسيا تارتۋدىڭ ءتيىمدى, يكەمدى ءارى ۇتقىر قۇرالىنا اينالۋعا ءتيىس ەكەنىن اتاپ ءوتتى. ول ءۇشىن ۇدەرىستى قايتا قۇرىلىمداپ, ءاربىر قىزمەتكەر ءۇشىن ناقتى تيىمدىلىك كورسەتكىشتەرىن ەنگىزۋ قاجەت.
ۇلتتىق كومپانيا وتاندىق وندىرۋشىلەردى قولداۋ ارقىلى ينۆەستورلار توڭىرەگىندە تۇراقتى ءوندىرىس تىزبەگىن قۇرۋعا باعىتتالعان.
«بۇل جۇمىستى كۇشەيتۋ قاجەت. ەڭ باستىسى – ناقتى ناتيجە. سىلدىر سوزدەن بۇرىن, جوبالاردى جۇزەگە اسىرۋعا, كاسىپورىنداردى ىسكە قوسۋعا ءمان بەرۋ كەرەك», دەپ اتاپ وتكەن و.بەكتەنوۆ «ينۆەستيتسيالىق تاپسىرىس» تەتىگىن بەلسەندى پايدالانۋ قاجەتتىگىن باسا ايتتى.
بۇل رەسۋرستاردى كومىر مەن مۇناي حيمياسى, اگروونەركاسىپ, ماشينا جاساۋ سياقتى تاعى باسقا دا كەلەشەگى زور سالالاردا ەكسپورتقا باعىتتالعان ءوندىرىس قۇرۋعا باعىتتاۋعا مۇمكىندىك بەرەدى.
جيىن قورىتىندىسى بويىنشا «Kazakh Invest» كومپانياسىنا كۇن ءتارتىبى شەڭبەرىندە ۇسىنىلعان قۇجاتتاردى ون كۇن ىشىندە پىسىقتاۋ تاپسىرىلدى.