ۇلىتاۋ وبلىسى اكىمىنىڭ بەلسەندى جاستارعا ارنالعان « ۇلىتاۋ ۇلانى» سىيلىعىن تابىستاۋ ءراسىمى ءوتتى. بۇل – جاستاردى قولداۋ جانە ولاردىڭ جەتىستىگىن دارىپتەۋ باعىتىنداعى ماڭىزدى جوبا, دەپ حابارلايدى Egemen.kz.
ماراپات وبلىستىڭ قوعامدىق ومىرىنە بەلسەنە ارالاسىپ, ءوز ەڭبەگىمەن ءوڭىر دامۋىنا ۇلەس قوسقان جاستاردى ىنتالاندىرۋ ماقساتىندا قولعا الىنعان. سالتاناتتى جيىنعا مەملەكەتتىك ورگاندار مەن جاستار ۇيىمدارىنىڭ وكىلدەرى, سونداي-اق ءوڭىردىڭ دارىندى, بەلسەندى جاستارى قاتىستى.
«مەن جاستارعا سەنەمىن!» دەپ ماعجان جۇماباەۆ ايتىپ كەتكەندەي, جاستار – ەل بولاشاعىنىڭ ايناسى. سىزدەردىڭ جەتىستىكتەرىڭىز ءوڭىردىڭ عانا ەمەس, بۇكىل ەلدىڭ دامۋىنا سەرپىن بەرەدى», دەدى ۇلىتاۋ وبلىسى اكىمىنىڭ ورىنباسارى جانىبەك ءنوپىروۆ قۇتتىقتاۋ سوزىندە.
بايقاۋعا 50-دەن استام ءوتىنىم قابىلداندى. قازىلار القاسى سەگىز اتالىم بويىنشا جەڭىمپازدى انىقتادى. اتاپ ايتقاندا: نۇرگۇل احاتقىزى «جاس ساياساتكەر», ينابات مۇحانبەديارقىزى «جىلدىڭ جاس كوشباسشىسى», گ ۇلىم ايماعامبەتوۆا «ۇزدىك جاس كاسىپكەر», ارداق جارقىنبەكوۆ «ۇزدىك جاس ونەرپاز», بەكجان قابجانوۆ «جىلدىڭ سپورت جۇلدىزى», اينارا نۇرعازيەۆا «جاس ەرىكتى – قوعام جاناشىرى», نازەركە ساپاربەك «جاس مەدياكوشباسشى», جىگەر ەدىلباەۆ «جىلدىڭ ۇزدىك جاس ەڭبەككەرى» اتالىمدارىنا يە بولدى.
جۇلدەگەرلەرگە ديپلوم, ارنايى ستاتۋەتكا جانە اقشالاي سىيلىق تابىستالدى.
ۇلىتاۋ وبلىسى