قازان ايىندا باسپانا ساۋداسى جانداندى: استانا مەن الماتى كوش باستاپ تۇر

رەسمي مالىمەتكە سايكەس, وتكەن ايدا ەل بويىنشا تۇرعىن ءۇيدى ساتىپ الۋ-ساتۋ بويىنشا 41 259 مامىلە جاسالعان. ونىڭ ىشىندە 8 717-ءسى جەكە تۇرعىن ۇيلەرگە, ال 32 542-ءسى كوپپاتەرلى ۇيلەردەگى پاتەرلەرگە تيەسىلى. بۇل كورسەتكىش وتكەن جىلدىڭ قىركۇيەك ايىمەن سالىستىرعاندا نەبارى 0,1 پايىزعا از.

مامىلەلەردىڭ باسىم بولىگى ەلوردا مەن مەگاپوليستە شوعىرلانعان: استانادا – 8 945 (21,7%), الماتىدا – 7 868 (19,1%) مامىلە تىركەلگەن. ءۇشىنشى ورىندا قاراعاندى وبلىسى – 2 982 مامىلە (7,2%). ال ەڭ تومەنگى كورسەتكىش ۇلىتاۋ وبلىسىندا بايقالدى – بار بولعانى 327 مامىلە (0,8%).

وتكەن جىلمەن سالىستىرعاندا تۇرعىن ءۇي ساۋداسى قوستاناي وبلىسىندا – 15,8%, شىمكەنتتە – 7,7%, الماتى وبلىسىندا – 7,4% وسكەن. ال قىزىلوردا (-28,4%), الماتى (-11,2%) جانە اقتوبە (-5,2%) وبلىستارىندا باسپانا ساۋداسى تومەندەگەن.

كوپپاتەرلى ۇيلەر سەگمەنتىندە مامىلەلەر ۇلەسى – 78,9% بولدى. قازان ايىندا پاتەرلەرگە قاتىستى 32 542 مامىلە جاسالىپ, ولاردىڭ نەگىزگى بولىگى استانا (27%), الماتى (22,2%) جانە قاراعاندى وبلىسىنا (7,8%) تيەسىلى. ەڭ سۇرانىسقا يە – ەكى بولمەلى پاتەرلەر, ولار بويىنشا 12 399 مامىلە راسىمدەلگەن.

جەكە تۇرعىن ۇيلەر نارىعىندا مامىلەلەر سانى قىركۇيەكپەن سالىستىرعاندا 0,6% (56 مامىلە) ارتقان. بارلىعى 8 717 مامىلە تىركەلدى. ەڭ جوعارى ءوسىم قوستاناي (+18,4%), شىعىس قازاقستان (+16,5%) جانە باتىس قازاقستان (+11%) وبلىستارىندا بايقالسا, ۇلىتاۋ (-15,9%), قىزىلوردا (-10,7%) جانە قاراعاندى (-8,3%) وڭىرلەرىندە كەرىسىنشە تومەندەۋ تىركەلدى.

جالپى العاندا, 2024 جىلدىڭ قازانىمەن سالىستىرعاندا ەل بويىنشا تۇرعىن ءۇي ساۋداسى 5,4% ارتقان. اسىرەسە, استانادا مامىلە سانى 27,9%-عا وسكەن, ال ەڭ ايتارلىقتاي تومەندەۋ ۇلىتاۋ وبلىسىندا (-38%) بايقالدى. بيىلعى قاڭتار-قازان ايلارىندا تۇرعىن ءۇي مامىلەلەرىنىڭ جيىنتىق كولەمى وتكەن جىلدىڭ سايكەس كەزەڭىمەن سالىستىرعاندا 3,5%-عا كوپ بولدى.