قالىڭ مۇزدىقتاردىڭ كوگىلدىر تۇسكە بويالاتىنىن بايقاعان بولارسىز. بۇل ءتۇس بوياۋدان ەمەس, جارىقتىڭ مۇزدا ەرەكشە سىنۋىنان پايدا بولادى.
مۇز قۇرىلىمى وتە تىعىز بولعاندىقتان, ول كۇن ساۋلەسىنىڭ قىزىل سپەكترىن ءسىڭىرىپ, تەك كوگىلدىر بولىگىن عانا وتكىزىپ جىبەرەتىنى انىقتالعان. سوندىقتان مۇزدىڭ ىشكى قاباتتارى نەعۇرلىم قالىڭ بولسا, ءتۇسى سوعۇرلىم قويۋ كوك بولىپ كورىنەدى. انتاركتيدا مۇزدارى وسى قۇبىلىستىڭ ەڭ ايقىن مىسالى. عالىمدار مۇزدىڭ ءتۇسىن زەرتتەي وتىرىپ, ونىڭ جاسىن, قۇرامىن جانە كليماتتىڭ وزگەرۋىن انىقتايدى. كوگىلدىر مۇز – جەر تاريحىنىڭ ءۇنسىز كۋاگەرى, مىڭداعان جىل بويعى كليمات جازباسى. تابيعاتتاعى ءتۇستىڭ ءوزى اقپارات تاسۋشىعا اينالاتىنى تاڭعالارلىق.
رامازان ورىنباسار,
ل.ن.گۋميلەۆ اتىنداعى ەۇۋ ستۋدەنتى