قىرعىزستاندا 10 قاراشادان باستاپ جوگوركۋ كەنەش دەپۋتاتتارىنىڭ مەرزىمىنەن بۇرىن وتەتىن سايلاۋى ءۇشىن سايلاۋالدى ۇگىت-ناسيحات كەزەڭى رەسمي تۇردە باستالدى, دەپ حابارلايدى Egemen.kz.
سايلاۋالدى ۇگىت-ناسيحات ميتينگتەردە, جينالىستاردا, باق ارقىلى, سونىمەن قاتار ينتەرنەت-رەسۋرستاردا جۇرگىزىلۋى مۇمكىن. سايلاۋ كوميسسيالارى ۇگىت-ناسيحات پەن ازاماتتارمەن كەزدەسۋلەردىڭ ۇيىمداستىرىلۋىن قامتاماسىز ەتۋى ءتيىس.
الايدا, قىرعىز رەسپۋبليكاسىنىڭ اۋماعىندا شەتەلدىك باق-تا ۇگىت-ناسيحات جۇرگىزۋگە تىيىم سالىنعان. سايلاۋ كەزەڭىندە شەتەلدىك تەلە جانە راديوحابارلاردىڭ قايتا حابار تارالۋى جازباشا تۇردە عانا جۇزەگە اسىرىلادى.
زاڭعا سايكەس, كەلەسى تۇلعالار ۇگىت-ناسيحات جۇرگىزە المايدى:
مەملەكەتتىك ازاماتتىق جانە مۋنيتسيپالدىق قىزمەتكەرلەر; مەملەكەتتىك ساياسي لاۋازىمدى قىزمەتكەرلەر (جوگوركۋ كەنەش دەپۋتاتتارى ەمەس); ارنايى مەملەكەتتىك جانە مۋنيتسيپالدىق لاۋازىم يەلەرى (جەرگىلىكتى كەڭەس دەپۋتاتتارى ەمەس); سايلاۋ كوميسسيالارىنىڭ مۇشەلەرى; حالىقارالىق باقىلاۋشىلار; ءدىني قىزمەتكەرلەر; قايىرىمدىلىق ۇيىمدارىنىڭ قۇرىلتايشىلارى مەن مۇشەلەرى; 18 جاسقا تولماعاندار; شەتەلدىك ازاماتتار مەن ۇيىمدار; ازاماتتىعى جوق ادامدار; جەرگىلىكتى ءوزىن-ءوزى باسقارۋ ورگاندارىنىڭ قىزمەتكەرلەرى.قىرعىزستاندا جوگوركۋ كەنەش دەپۋتاتتارىنىڭ مەرزىمىنەن بۇرىن وتەتىن سايلاۋى 2025 جىلعى 30 قاراشاعا بەلگىلەنگەن. پرەزيدەنت سادىر جاپاروۆ حالىققا جاساعان ۇندەۋىندە پارلامەنتتىك سايلاۋدىڭ بارىسىن جەكە باقىلاۋعا الاتىنىن جەتكىزدى.
2025 جىلعى 1 قازانعا قاراي رەسپۋبليكادا 4 ملن 287 مىڭ سايلاۋشى تىركەلگەن, ولار سايلاۋعا قاتىسۋعا قۇقىلى. سايلاۋ جانە رەفەرەندۋم وتكىزۋ ورتالىق كوميسسياسى 5 قاراشادا قازاقستاندا قوسىمشا ءۇش سايلاۋ ۋچاسكەسىن – الماتى, تاراز جانە شىمكەنت قالالارىندا اشۋ تۋرالى شەشىم قابىلداعان. بۇعان دەيىن استانا (قر ەلشىلىگى), الماتى (قر باس كونسۋلدىعى), اتىراۋ جانە قاراعاندى قالالارىندا ۋچاسكەلەر اشىلعان بولاتىن.
مەرزىمىنەن بۇرىن وتەتىن جوگوركۋ كەنەش سايلاۋىنا 467 كانديدات تىركەلگەن, 127 حالىقارالىق باقىلاۋشى اككرەديتاتسيادان وتكەن.