استرونومدار 24 قازان كۇنى وڭتۇستىك افريكاداعى MeerKAT راديوتەلەسكوپىمەن 3I/ATLAS وبەكتىسىنەن سيگنال قابىلداعانىن مالىمدەدى. بۇعان دەيىن وسى سىزىقتار بويىنشا سيگنالدى انىقتاۋ ارەكەتتەرى ءساتسىز بولعان ەدى, دەپ حابارلايدى Egemen.kz.
گارۆارد ۋنيۆەرسيتەتىنىڭ عالىمى اۆي لەبتىڭ ايتۋىنشا, 2026 جىلى 16 ناۋرىزدا وبەكت يۋپيتەر پلانەتاسىنىڭ جانىنان وتەر كەزدە, «يۋنونا» عارىش اپپاراتى تومەن جيىلىكتەگى سيگنالداردى الۋ ءۇشىن باقىلاۋ جۇرگىزەدى.
ايتا كەتەيىك, 3I/ATLAS العاش رەت 1 شىلدەدە بايقالعان. عالىمدار انىقتاعانداي, بۇل كومەتا باسقا جۇلدىز جۇيەسىنەن كەلگەن جانە جاسى شامامەن 7,5 ميلليارد جىلدان اسادى, ياعني ول كۇننەن 3 ميلليارد جىلعا ۇلكەن.
سونىمەن قاتار, قىركۇيەك ايىندا 3I/ATLAS «انومالدى ەۆوليۋتسيادان» ءوتىپ, ءتۇسىن وزگەرتكەن.