الماتىدا بالالار ءۇيىنىڭ عيماراتى ورتكە وراندى, دەپ حابارلايدى Egemen.kz.
الماتى قالاسى تجد مالىمەتىنشە, بالالار ءۇيى اۋلاسىنداعى اسحانا عيماراتى جانعان. عيماراتتا ادامدار بولماعان. ال تاربيەلەنۋشىلەر ۋاقىتىلى ەۆاكۋاتسيالانىپ, قاۋىپسىز قاشىقتىققا شىعارىلدى.
- جەدەل شتاب قۇرىلدى, جاعدايعا تۇراقتى باقىلاۋ جۇرگىزىلىپ جاتىر. سونداي-اق ءورت ورنىنا قالانىڭ بارلىق شۇعىل قىزمەتى كەلدى. قازىرگى ۋاقىتتا ءورتتىڭ تارالۋ قاۋپى جويىلدى. ءورت وقشاۋلاندى, - دەپ حابارلادى تجد.
بالالار ءۇيىنىڭ تاربيەلەنۋشىلەرى مەشىت عيماراتىنا ورنالاستىرىلىپ, تاماقپەن قامتاماسىز ەتىلگەن. ولارعا اپاتتار مەديتسيناسى ورتالىعى جانە تجد دارىگەرلەرى مەن پسيحولوگتارى قاجەتتى كومەك پەن قولداۋ كورسەتتى.