زەينەتاقى جيناعىنىڭ كولەمى كوبەيدى

مىندەتتى زەينەتاقى جارنالارى (مزج) ەسەبىنەن قالىپتاسقان زەينەتاقى جيناعىنىڭ كولەمى – 24,40 ترلن تەڭگە, 12 ايداعى ءوسىمى – 19,8%.  مىندەتتى كاسىپتىك زەينەتاقى جارنالارى (مكزج) جونىندەگى زەينەتاقى جيناعى –  726,94 ملرد تەڭگە, 12 ايداعى ءوسىم – 15,6%. ءبىر جىل ىشىندەگى ەڭ ۇلكەن ءوسىمدى 32,8% ەرىكتى زەينەتاقى جارنالارى (ەزج) جو­نىن­دەگى جيناق كورسەتتى, ولاردىڭ كولەمى – 9,47 ملرد تەڭگە.

سالىمشىلاردىڭ (الۋشىلاردىڭ) زەينەت­اقى شوتتارىنا 2024 جىلعى 1 قاڭتاردان باس­تاپ تۇسە باستاعان جۇمىس بەرۋشىنىڭ مىندەتتى زەينەتاقى جارنالارى (جمزج) 596,18 ملرد تەڭگە بولدى. زەينەتاقى جيناعىنىڭ كولەمى زەينەتاقى جارنالارى مەن ينۆەستيتسيالىق كىرىس تۇرىندەگى كىرىس اعىنى ەسەبىنەن ۇلعايادى.

بيىلعى 9 ايدا سالىمشىلاردىڭ شوتتارىنا 2,37 ترلن تەڭگە مولشەرىندە زەينەتاقى جار­ناسى ءتۇستى. بۇل وتكەن جىلدىڭ سايكەس كەزەڭىن­­دەگى كورسەتكىشتەن 17,8%-عا نەمەسە  56,75 ملرد تەڭگەگە ارتىق.

مزج ەسەبى جۇرگىزىلەتىن جەكە زەينەتاقى شوتتارىنا جىل باسىنان باستاپ 1 قازانعا دەيىن 1 937,66 ملرد تەڭگە (وتكەن جىلدىڭ سايكەس كەزەڭىمەن سالىستىرعاندا مزج كولەمى  9,97%-عا ۇلعايدى), مكزج – 100,69 ملرد تەڭگە ء(وسىم – 19,1%), ەزج 1,82 ملرد تەڭگە ءتۇستى.

9 ايدا بجزق-دان جارنالاردىڭ بارلىق تۇرىنە قاتىستى جاسالعان تولەمدەر مەن ساقتان­­دىرۋ ۇيىمدارىنا اۋدارىمدار 1 368,27 ملرد تەڭگەنى قۇرادى. بۇل بىلتىر جاسال­­عان تولەمدەر كولەمىنەن 1,6 ەسە نەمەسە 508,31 ملرد تەڭگەگە كوپ. تولەمدەردىڭ باسىم بولىگى تۇر­عىن ءۇي جاعدايىن جاقسارتۋعا, ەمدەلۋگە ارنالعان بىرجولعى زەينەتاقى تولەمدەرىنىڭ (بزت) ەنشىسىندە – 823,82 ملرد تەڭگە. زەينەت جاسىنا تولۋىنا بايلانىستى تولەمدەر 12 ايدا 23,43% ۇلعايىپ, 181,81 ملرد تەڭگەگە جەتتى. بجزق-دان زەينەت جاسىنا تولۋىنا بايلانىستى كەستەمەن بەرىلەتىن ورتاشا ايلىق تولەم – 35 691 تەڭگە.  

جىل باسىنان بەرى مۇراگەرلىككە قاتىستى – 50,49 ملرد تەڭگە, ەلىمىزدەن تىس جەرگە تۇراق­تى تۇرۋعا كەتۋگە بايلانىستى – 32,60 ملرد تەڭگە, مۇگەدەكتىگى بار ادامدارعا – 2,33 ملرد تەڭگە, جەرلەۋگە 8,03 ملرد تەڭگە كولەمىندە تولەم جاسالدى. ساقتاندىرۋ ۇيىمدارىنا 269,19 ملرد تەڭگە اۋدارىلدى.