سمارتفون ساتىپ الۋ كەزىندە كوپشىلىك نازار اۋدارا بەرمەيتىن, بىراق اسا ماڭىزدى ءبىر جايت بار, ول – قۇرىلعىنىڭ IMEI ءنومىرىن تەكسەرۋ. جاساندى ينتەللەكت جانە تسيفرلىق دامۋ مينيسترلىگى ازاماتتارعا قۇرىلعىنىڭ ۆەريفيكاتسيا مارتەبەسىن kz-imei.kz رەسمي سايتى نەمەسە «eGov Mobile» ءموبيلدى قوسىمشاسى ارقىلى تەكسەرۋدى ۇسىنادى.
بۇل تەكسەرىس ءسىزدىڭ سمارتفونىڭىزدىڭ زاڭدى اكەلىنگەنىن, ۇيالى بايلانىس وپەراتورلارىنىڭ جەلىسىندە كەدەرگىسىز جۇمىس ىستەيتىنىن جانە «قارا تىزىمگە» ەنگىزىلمەگەنىن راستاۋعا كومەكتەسەدى. IMEI ءنومىرى تىركەلمەگەن نەمەسە كۇماندى جولمەن اكەلىنگەن قۇرىلعىلار كوپ جاعدايدا بايلانىس جەلىسىنە قوسىلماي قالادى.
سونداي-اق IMEI ءنومىرىن *#06# كومبيناتسياسىن تەرۋ ارقىلى دا بىلۋگە بولادى. ەگەر قۇرىلعى تىركەلمەگەن بولسا, ول بىرنەشە اپتا ىشىندە جەلىدەن اجىراتىلادى.
قازىر ەلىمىزدە 30 ميلليوننان استام ءموبيلدى قۇرىلعى تىركەلگەن. تەكسەرۋ نەبارى بىرنەشە سەكۋند ۋاقىت الادى.