اقمولا ءوڭىرىنىڭ ارشالى اۋدانىنا قاراستى جىبەك جولى اۋىلى ماڭىندا رەسەي فەدەراتسياسىنان تاجىكستان رەسپۋبليكاسىنا باعىت العان جولاۋشىلار اۆتوبۋسى بۇزىلىپ قالعان, دەپ حابارلايدى Egemen.kz.
بارلىعى 53 ادام, ونىڭ ىشىندە 8 بالا – تاجىكستان ازاماتتارى. قۇتقارۋشىلار بارلىق جولاۋشىلاردى ەۆاكۋاتسيالادى. ولار ارشالى كەنتىندەگى جىلىتۋ پۋنكتىنە ورنالاستىرىلدى, اۆتوبۋس جوندەلگەننەن كەيىن جولدارىن جالعاستىرادى. جەدەل جاردەم فەلدشەرلەرى ازاماتتارعا مەديتسينالىق تەكسەرىس جۇرگىزدى.
تجم قىس مەزگىلىندەگى ساپار الدىندا اۋا رايى جاعدايىن قاداعالاپ وتىرۋدى ەسكە سالادى.