ۇلتتىق ستاتيستيكا بيۋروسى مەن «KazAID» ىنتىماقتاستىق تۋرالى مەموراندۋمعا قول قويدى. ونىڭ اياسىندا تاراپتار ەىدۇ, بۇۇ جانە دۇنيەجۇزىلىك بانك جىكتەۋىشىنە سايكەس دامۋى ەڭ از دەگەن ەل وكىلدەرىنىڭ قاتىسۋىمەن حالىقارالىق ءىس-شارالاردى ۇيىمداستىرۋ جانە وتكىزۋ باعىتىندا بىرلەسە جۇمىس ىستەيدى.
قۇجاتقا سجرا ۇلتتىق ستاتيستيكا بيۋروسىنىڭ باسشىسى ماقسات تۇرلىباەۆ پەن «KazAID» باسقارما توراعاسى اركەن ارىستانوۆ قول قويدى.
ىنتىماقتاستىق شەڭبەرىندە ەكونوميكا, ستاتيستيكا, دەرەكتەردى باسقارۋ جانە رەسمي دامۋ كومەگىنىڭ ماقساتتارىن ىسكە اسىرۋعا قاتىستى وزگە دە باعىتتار بويىنشا كونفەرەنتسيالار, سەمينارلار, فورۋمدار, بايقاۋلار, سونداي-اق وقۋ جانە عىلىمي ءىس-شارالار وتكىزۋ قاراستىرىلعان.
بۇدان بولەك, تاراپتار رەسمي دامۋ كومەگى مەن ستاتيستيكا سالالارىندا بىرلەسكەن حالىقارالىق باستامالاردى ازىرلەۋ جانە ىسكە اسىرۋ, اشىق دەرەكتەرمەن الماسۋ, سونداي-اق حالىقارالىق ىنتىماقتاستىقتى جانە تاجىريبە الماسۋدى نىعايتۋعا باعىتتالعان سالالىق كونفەرەنتسيالار, سەمينارلار, فورۋمدار مەن دوڭگەلەك ۇستەلدەردى ۇيىمداستىرۋ ماسەلەلەرىندە ءوزارا ارەكەتتەسۋدى دامىتۋعا نيەتتى.
ايتا كەتەيىك, «KazAID» – قازاقستان رەسپۋبليكاسىنىڭ رەسمي دامۋ كومەگى سالاسىنداعى ۇلتتىق وپەراتورى. اگەنتتىك ەلىمىزدىڭ ءتۇرلى سالالارداعى جەتىستىكتەرىن ىلگەرىلەتۋگە, حالىقارالىق ىنتىماقتاستىقتى دامىتۋعا, تاجىريبە الماسۋعا جانە ءارتۇرلى ەلدەردىڭ ماماندارى اراسىندا كاسىبي بايلانىستار ورناتۋعا ىقپال ەتەدى.