بيىلعى وقۋ جىلىندا وقۋشىلار اراسىندا ءارتۇرلى دەڭگەيدەگى 80-نەن استام زياتكەرلىك ءىس-شارا وتكىزىلەدى دەپ جوسپارلانعان. وعان بارلىق وڭىردەن 1,5 ميلليوننان استام مەكتەپ وقۋشىcى قاتىسادى, دەپ حابارلايدى Egemen.kz.
اتالعان ءىس-شارالار – دارىندى بالالاردى انىقتاپ قولداۋ, ولاردىڭ شىعارماشىلىق قابىلەتتەرىن دامىتۋ, سونداي-اق وقۋشىلاردىڭ ءبىلىم-عىلىمعا, مادەنيەت پەن زەرتتەۋلەرگە جانە يننوۆاتسياعا دەگەن قىزىعۋشىلىعىن ارتتىرۋدى كوزدەيدى.
بيىلعى وقۋ جىلىندا 125 مىڭ وقۋشى رەسپۋبليكالىق اۋىل وقۋشىلارى وليمپياداسىنا تىركەلىپ, جالپى ءبىلىم بەرەتىن پاندەر بويىنشا رەسپۋبليكالىق وليمپيادانىڭ مەكتەپىشىلك كەزەڭىنە 323 مىڭ وقۋشى قاتىسقان. 60 مىڭنان استام وقۋشى رەسپۋبليكالىق عىلىمي جوبالار كونكۋرسىندا ءوز جۇمىستارىن ۇسىنعان. بيىل العاش رەت قارجىلىق ساۋاتتىلىق پەن قاۋىپسىزدىك بويىنشا وليمپيادا وتكىزىلىپ جاتىر, ونىڭ العاشقى كەزەڭىنە ەلىمىزدىڭ بارلىق وڭىرىنەن 35 مىڭنان استام وقۋشى قاتىستى.
سونىمەن قاتار وقۋ-اعارتۋ مينيسترلىگىنىڭ مالىمەتىنشە, وسى اپتادا وڭىرلەردە ء«ححى عاسىر كوشباسشىسى» ينتەللەكتۋالدىق ويىنى مەن فيلوسوفيا جانە سىني ويلاۋ بويىنشا رەسپۋبليكالىق وليمپيادانىڭ اۋداندىق جانە وبلىستىق كەزەڭدەرى ءوتىپ جاتىر. سونداي-اق وقۋشىلار رەسپۋبليكالىق «اقبەرەن» شىعارماشىلىق بايقاۋىنىڭ كەزەڭىنە جانە ماتەماتيكا مەن ينفورماتيكادان KHIMIO-2025 حالىقارالىق وليمپياداسىنا قاتىسادى.
وليمپيادالار مەن كونكۋرستار وقۋ جىلى بويى جالعاسىپ, رەسپۋبليكالىق كەزەڭدەردىڭ جەڭىمپازدارى مەن جۇلدەگەرلەرى ەل نامىسىن حالىقارالىق دەڭگەيدە قورعايتىن بولادى.