زاماناۋي تەحنولوگيالار ادام ءومىرىنىڭ اجىراماس بولىگىنە اينالىپ, جاساندى ينتەللەكت ءتىپتى شىعارماشىلىققا دا ارالاسا باستاعانى بەلگىلى. الايدا جي جاساعان تۋىندىنىڭ شىنايى اۆتورى كىم – ادام با, الدە الگوريتم بە؟
بۇل ساۋالعا سەنات كۋلۋارىندا ادىلەت ۆيتسە-ءمينيسترى بوتاگوز جاقسەلەكوۆا ناقتى جاۋاپ بەردى. ونىڭ ايتۋىنشا, قولدانىستاعى زاڭناما بۇل ماسەلەنى ايقىن رەتتەيدى: اۆتورلىق قۇقىق يەسى تەك جەكە تۇلعا بولا الادى.
«اۆتورلىق قۇقىقتىڭ سۋبەكتىسى – تەك ادام. ادامنىڭ ويى, يدەياسى مەن شىعارماشىلىعى – كەز كەلگەن تۋىندىنىڭ نەگىزى», دەدى ۆيتسە-مينيستر.
بوتاگوز جاقسەلەكوۆا اتاپ وتكەندەي, جاساندى ينتەللەكت تۋىندىنى تەحنيكالىق تۇرعىدا «جاساپ بەرگەنىمەن», ول اۆتور دەپ تانىلمايدى.
«جاساندى ينتەللەكت – بۇل قۇرال عانا. ول بەرىلگەن الگوريتمدى ورىندايدى, بىراق وزدىگىنەن ويلاپ, جاڭا نارسە جاساي المايدى. سول سەبەپتى, تۋىندىنىڭ شىنايى اۆتورى – تاپسىرمانى بەرگەن ادام», دەپ ءتۇسىندىردى ۆيتسە-مينيستر..