جاقىندا وبلىستىق كلينيكادا ايماقارالىق Call ورتالىعى اشىلدى. بۇرىن تۇرعىندار ءوز پروبلەمالارىن دەنساۋلىق ساقتاۋ باسقارماسىنا جەتكىزە الماي پۇشايمان بولىپ جۇرسە, ەندى ورتالىق قىزمەتىن ءوز يگىلىگىنە پايدالانا الادى. مۇنىڭ ءتيىمدى جاعى كوپ. بۇرىندارى جاۋاپتى مامانداردىڭ سالعىرتتىعىنان وتىنىشتەر ەسكەرۋسىز قالىپ كەلسە, بۇگىنگى زاڭ تالاپتارى ونداي بوسبەلبەۋلىكتى كوتەرمەيدى. تۇرعىندار ءوز ساۋالدارىنا جاۋاپ الۋمەن قاتار, مەملەكەت تاراپىنان بولىنەتىن تەگىن ءدارى-دارمەكتەردىڭ قالانىڭ قانداي ءدارىحانالارىنا تۇسكەنىن بىلە الادى. Call ورتالىعىنىڭ ماقسات-مۇددەسىن وبلىستىق دەنساۋلىق ساقتاۋ باسقارماسىنىڭ باسشىسى سەيىتجامال پاكەەۆ ايتىپ بەردى.
– وبلىستىق اۋرۋحانانىڭ بازاسىندا اشىلعان ورتالىق ازاماتتاردىڭ اقپاراتتاندىرۋ دەڭگەيىن كوتەرۋ ءۇشىن جانە امبۋلاتوريالىق ۇيىمداستىرۋ قىزمەتىنىڭ ەرەكشەلىكتەرىنە بايلانىستى سۇراقتاردى قويۋعا ارنالعان. وسىندا حابارلاسقان كەز كەلگەن پاتسيەنت ءوز ساۋالىنا, شاعىمىنا مىندەتتى تۇردە تولىققاندى جاۋاپ الاتىن بولادى. ءبىز ءوز تاراپىمىزدان پاتسيەنتتىڭ پروبلەماسىن بارىنشا ءتيىمدى ءارى تەز شەشۋگە تىرىساتىن بولامىز, – دەدى س.پاكەەۆ.
Call ورتالىق وبلىستىڭ باس دارىگەرىنىڭ باستاماسى بويىنشا اشىلىپ وتىر. ەكى جاققا دا يگىلىكتى شارۋانى اياعىنا دەيىن جەتكىزۋگە 22 ملن. تەڭگە بولىنگەن. قۇداي قالاسا, جىل اياعىنا دەيىن وبلىستاعى اۋدان, قالا مەديتسينالىق بولىمدەرى وسى ورتالىققا قوسىلماق.
باقتيار تايجان,
«ەگەمەن قازاقستان».
شىمكەنت.