1 شىلدەدەن باستاپ يپوتەكالىق نەسيەلەر بويىنشا شەكتى مولشەرلەمە باستاپقى جارنا كولەمىنە قاراي بەلگىلەنەدى. بۇل تۋرالى ۇلتتىق بانك توراعاسى تيمۋر سۇلەيمەنوۆ مالىمدەدى, دەپ حابارلايدى Egemen.kz.
ەگەر العاشقى جارنا 30%-دان اسسا, وندا جىلدىق مولشەرلەمە 20%-دان جوعارى بولمايدى. ال جارنا 30%-دان تومەن بولسا, مولشەرلەمە بۇرىنعىداي 25%-عا دەيىن جەتۋى مۇمكىن.
قازىر ەلىمىزدە يپوتەكالىق نەسيەلەر بويىنشا شەكتى مولشەرلەمە 25% دەڭگەيىندە ساقتالىپ وتىر. بۇعان دەيىن قارجى نارىعىن رەتتەۋ جانە دامىتۋ اگەنتتىگى بۇل كورسەتكىشتى 20%-عا دەيىن تومەندەتۋگە بىرنەشە رەت ارەكەت جاساعان.
قازاقستاندا يپوتەكانى وتەۋدىڭ جاڭا ەرەجەلەرى كۇشىنە ەندى
تيمۋر سۇلەيمەنوۆتىڭ سوزىنشە, وزگەرىستەرگە قاتىستى تەحنيكالىق ماسەلەلەر ءالى دە پىسىقتالىپ جاتىر. ءتيىستى شەشىم جوباسىن مامىر ايىندا جاريالاۋ جوسپارلانىپ وتىر.