مەملەكەت باسشىسى قاسىم-جومارت توقاەۆ ىشكى ساياساتىمىزدىڭ نەگىزگى قاعيداتتارى, قۇندىلىقتارى مەن باعىتتارىن بەكىتۋ تۋرالى قۇجاتقا قول قويدى. اتالعان ماسەلەنى ۇلتتىق قۇرىلتاي مۇشەلەرى, ماجىلىستەگى ارىپتەستەرىم – ا.سارىم, ە.جاڭبىرشين, ن.شاتالوۆ پەن ءبىر توپ قوعامدىق ساياسي بىلىكتى ساراپشىلار بۋرابايداعى وتىرىستا كوتەرگەن بولاتىن.
ارينە, بۇل قۇجات قوعامدى مەملەكەت قۇراۋشى نەگىزگى قاعيداتتارعا بىرىكتىرەتىن ماڭىزدى باستاما. «ادىلەتتى قازاقستان» يدەياسىن ۇلتتىڭ باستى مۇراتى دەپ بەكىتكەن بۇل قۇجات مەملەكەتتى ءادىل باسقارۋ جۇيەسىن قالىپتاستىرىپ, ەلدىگىمىزدى نىعايتىپ, ازاماتتاردىڭ قۇقىقتارىن قورعاۋعا باستاماشى بولارى ءسوزسىز.
ىشكى ساياساتتىڭ باستى ماقساتى – ەل بىرلىگىن ساقتاۋ جانە تۇراقتى دامۋدى قامتاماسىز ەتۋ. بۇل ماقساتتى جۇزەگە اسىرۋ ءۇشىن, ياعني «زاڭ مەن ءتارتىپ», «حالىق ۇنىنە قۇلاق اساتىن مەملەكەت», ء«ارتۇرلى كوزقاراس – ءبىرتۇتاس ۇلت», «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت», «ادال ازامات» جانە «تازا قازاقستان» اتتى نەگىزگى التى قاعيدات بەكىتىلىپ وتىر. بۇل قاعيداتتار رۋحاني ءھام ساياسي تۇرعىدا جاڭا قوعامنىڭ ىرگەتاسىن مىقتاپ بەرۋگە ءتيىس. قۇجاتتا تاۋەلسىزدىك پەن وتانشىلدىق, بىرلىك پەن ىنتىماق, ادىلدىك پەن جاۋاپكەرشىلىك, ەڭبەكقورلىق پەن كاسىبي بىلىكتىلىك, جاسامپازدىق پەن جاڭاشىلدىق قازاق قوعامىنىڭ رۋحاني كودى رەتىندە سيپاتتالعان. بۇل قۇندىلىقتار ءبىر جاعىنان ءداستۇرلى ۇعىمدارعا سۇيەنسە, ەكىنشى جاعىنان زاماناۋي كوزقاراستى تالاپ ەتەدى. ياعني ۇلتتىق سانا مەن جاھاندىق وركەنيەتتىڭ ءوزارا ۇيلەسىمىن قالىپتاستىرۋ جاڭا ساياساتتىڭ باستى ميسسياسى.
ءبىزدىڭ ويىمىزشا, «ادىلەتتى قازاقستان» ۇعىمىنا تەك ساياسي ۇران تۇرعىسىنان قاراۋعا بولمايدى. كەرىسىنشە, ەلىمىزدىڭ ىشكى ساياسي مادەنيەتىن جاڭعىرتۋدىڭ, ءادىل ءارى اشىق قوعام قۇرۋدىڭ جاڭا پاراديگماسى دەپ تانۋعا ءتيىسپىز. ياعني ىشكى ساياساتتىڭ قاعيداتتارى ازاماتتىڭ ادالدىعى, بيلىكتىڭ ادىلدىگى جانە قوعامنىڭ بىرلىگى سىندى ءۇش ۇستىندى ەل دامۋىنىڭ باستى كۇشى ەتەرىنە سەنىم مول. سوندا عانا «ادىلەتتى قازاقستان» ۇعىمى تەك مەملەكەتتىڭ بولاشاعى ەمەس, ءاربىر ازاماتتىڭ ارمان-ماقساتىنا, وركەنيەتتى ۇلت بولۋعا دەگەن سەنىمىنىڭ تۇعىرىنا اينالارى ءسوزسىز.
ەلنۇر بەيسەنباەۆ,
ءماجىلىس دەپۋتاتى