استانادا قار تازالاۋ جۇمىستارى كۇشەيتىلگەن تارتىپتە جۇرگىزىلىپ جاتىر. قالا اكىمدىگىنىڭ مالىمەتىنشە, 2025 جىلدىڭ 5 قاراشاسىنا قاراعان ءتۇنى كوممۋنالدىق قىزمەتتەر قالا اۋماعىنان شامامەن 686 تەكشە مەتر, ياعني 60-قا جۋىق اۋىر جۇك كولىگىنە تەڭ قار شىعارعان, دەپ حابارلايدى Egemen.kz.
تاڭەرتەڭنەن باستاپ قالانى قار مەن كوكتايعاقتان تازارتۋ جۇمىستارىنا 810 ارنايى تەحنيكا مەن 2 700-دەن استام جول جۇمىسشىسى جۇمىلدىرىلعان.
قاردان تازالاۋ جۇمىستارى الدىمەن نەگىزگى ماگيسترالدار مەن قوعامدىق كولىك باعىتتارىندا جۇرگىزىلەدى. بۇدان كەيىن ورتاشا قوزعالىسى بار كوشەلەر, اۋلالار, الاڭدار, تروتۋارلار مەن ايالدامالار تازالانادى.
استانا اكىمدىگى تۇرعىندار مەن قالا قوناقتارىنا اۋا رايىنىڭ قولايسىز كەزىندە ساقتىق شارالارىن قاتاڭ ۇستانىپ, جولدار مەن تروتۋارلاردا اسا مۇقيات بولۋدى ەسكەرتەدى. سونداي-اق, مۇمكىندىگىنشە ۇزاق ساپارلاردان باس تارتۋعا كەڭەس بەرىلدى.
ايتا كەتەيىك, 4 قاراشا كۇنى قالا اۋماعىنان 1000 تەكشە مەتردەن استام قار, ياعني 86 جۇك كولىگى كولەمىندە قار شىعارىلعان. سول ءتۇنى قار تازالاۋعا 374 تەحنيكا مەن 234 جۇمىسشى جۇمىلدىرىلعان.