ازاماتتارعا كورسەتىلەتىن قىزمەت ساپاسىن ارتتىرۋ ماقساتىندا 2025 جىلدىڭ 5 - قاراشاسىنان باستاپ الماتى وبلىسى, الاتاۋ قالاسىنىڭ حالىققا قىزمەت كورسەتۋ ورتالىعىندا (حقكو) ەلەكتروندى كەزەكتى الدىن الا برونداۋ جۇيەسىنىڭ پيلوتتىق جوباسى ىسكە قوسىلادى, دەپ جازادى Egemen.kz.
ەندى الاتاۋ قالاسىنىڭ تۇرعىندارى حقكو-نا بارماس بۇرىن وزدەرىنە ىڭعايلى ۋاقىتتى تاڭداپ, ونلاين تۇردە كەزەك تالوندارىن الدىن الا برونداي الادى.
بۇل جاڭاشىلدىق قىزمەت كورسەتۋ پروتسەسىن بارىنشا جىلدام, ءارى ءتيىمدى ەتۋگە باعىتتالعان.
كەزەك تالوندارىن برونداۋ تاسىلدەرى:- "حقكو" ءموبيلدى قوسىمشاسى ارقىلى;- ەلەكتروندى ۇكىمەت پورتالى ارقىلى; برونداۋ راستالعانى تۋرالى حابارلاما 1414 نومىرىنەن SMS تۇرىندە جىبەرىلەدى.
ال, دايىن قۇجاتتاردى بەرۋ جانە وزىنە - ءوزى قىزمەت كورسەتۋ سەكتورىنداعى قىزمەتتەر بۇرىنعىداي الدىن الا جازىلۋسىز كورسەتىلەدى.
بۇل پيلوتتىق جوبا حالىققا قىزمەت كورسەتۋدىڭ تيىمدىلىگىن ارتتىرۋدى, ازاماتتارعا قولايلى جاعداي جاساۋدى جانە قىزمەت الۋدى بارىنشا قولجەتىمدى ەتۋدى كوزدەيدى.