«قازاۆتوجول» ۇلتتىق كومپانياسى بۇگىن شىعىس قازاقستان مەن تۇركىستان وبلىسىنداعى ەكى جول ۋچاسكەسىندە كولىك قوزعالىسىنا شەكتەۋ قويىلعانىن حابارلادى, دەپ جازادى Egemen.kz.
5 قاراشا تاڭعى ساعات 8-دەن باستاپ شقو-داعى وسينوۆسكي اسۋىندا تىركەمە جانە جارتىلاي تىركەمە جۇك كولىكتەرىنىڭ قوزعالىسىنا قىس سوڭىنا دەيىن رۇقسات جوق. شەكتەۋ وسكەمەن – التاي – كاتون-قاراعاي – راحمان قاينارى تاس جولىنىڭ ۋچاسكەلەرىنە ەنگىزىلىپ وتىر.
ال تۇركىستان وبلىسىنداعى كۇرە جولدا شەكتەۋ جوندەۋ جۇمىستارىنا بايلانىستى قويىلعان. ايماقتاعى ا-15 اۆتوجولىنىڭ (جيززاح – گاگارين – جەتىساي – كيروۆ – قىزىلاسكەر – سارىاعاش – اباي – جىبەك جولى) 175 جانە 183 شاقىرىمى ارالىعىنداعى كەلەس اۋدانىنداعى ۋچاسكەسى 10 قاراشاعا دەيىن جابىق بولادى.
«قازاۆتوجول» ۇك مالىمەتىنشە, بۇل ۋچاسكەدە كولىك قوزعالىسىنىڭ كوپ بولۋى جوندەۋ جۇمىستارىنا كەدەرگى كەلتىرگەن.