سمارتفوندار بۇگىنگى تاڭدا تەك بايلانىس قۇرالى عانا ەمەس, جۇمىس, وقۋ جانە ءارتۇرلى سەرۆيستەرگە كىرۋدىڭ نەگىزگى قۇرالى. دەگەنمەن, ءموبيلدى قۇرىلعىنىڭ دۇرىس ءارى قاۋىپسىز جۇمىس ىستەۋى ءۇشىن ونى قازاقستانعا زاڭدى تۇردە اكەلۋ اسا ماڭىزدى, دەپ حابارلايدى Egemen.kz.
قازاقستاندا 24 ناۋرىزدان باستاپ ابونەنتتىك قۇرىلعىلاردى تىركەۋ ەرەجەسىنە وزگەرىستەر ەنگىزىلدى. ەندى سمارتفون نەمەسە پلانشەت قازاقستانداعى ۇيالى بايلانىس وپەراتورلارىنىڭ جەلىسىندە جۇمىس ىستەۋى ءۇشىن ونىڭ IMEI-كودى مەملەكەتتىك دەرەكتەر بازاسىندا تىركەلۋى قاجەت.
ۆەريفيكاتسيا دەگەنىمىز نە؟
ۆەريفيكاتسيا – قۇرىلعىنىڭ قازاقستانعا رەسمي تۇردە جەتكىزىلگەنىن راستايتىن ءراسىم. يمپورتەرلەر بارلىق IMEI-كودتاردى مەملەكەتتىك بازادا تىركەيدى. ال زاڭسىز اكەلىنگەن قۇرىلعىلار ۆەريفيكاتسيادان وتە المايدى جانە ۇيالى بايلانىس جەلىسىندە جۇمىس ىستەي الماي, بۇعاتتالادى.
رەسمي يمپورت سمارتفوننىڭ سەرتيفيكاتتالعانىن, تەحنيكالىق تالاپتارعا سايكەس ەكەنىن جانە كەپىلدىك قىزمەتىمەن قامتاماسىز ەتىلگەنىن بىلدىرەدى. سونداي-اق, IMEI-كود ۇرلانعان نەمەسە جوعالعان تەلەفونداردى وپەراتورلارعا بلوكتاۋعا مۇمكىندىك بەرەدى.
Kaspi.kz سەرۆيستەرى ارقىلى IMEI تەكسەرۋ
Kaspi.kz پلاتفورماسى ساتىپ الۋشىلار مەن ساتۋشىلارعا سمارتفوندى تەكسەرۋگە ارنالعان سەرۆيستى ىسكە قوستى. قىزمەت قاراپايىم: ساتىپ العان كەزدە نەمەسە كەيىن قۇرىلعىنىڭ IMEI-كودىن ەنگىزۋ ارقىلى ونىڭ مەملەكەتتىك بازادا تىركەلگەنىن تەكسەرۋگە بولادى. قۇرىلعى رەسمي تۇردە ەلگە اكەلىنگەن بولسا, ول بارلىق وپەراتورلار جەلىسىندە تولىق جۇمىس ىستەيدى.
IMEI-كودتى ءبىلۋ ءۇشىن سمارتفوندا *#06# تەرۋگە نەمەسە ونى قۇرىلعىنىڭ قورابىنان, سونداي-اق پارامەترلەرىنەن قاراۋعا بولادى. iOS قۇرىلعىلارىندا بۇل «پارامەترلەر – نەگىزگى – بۇل قۇرىلعى تۋرالى – IMEI», ال, Android-تە «پارامەترلەر – قۇرىلعى تۋرالى – تولىق اقپارات – IMEI» بولىمدەرىندە كورسەتىلەدى.
ساتىپ العان سمارتفون ۆەريفيكاتسيادان وتپەسە, Kaspi ماگازين ارقىلى ونى قايتارۋعا بولادى: «مەنىڭ تاپسىرىستارىم» بولىمىنەن تاپسىرىستى تاڭداپ, «كەرى قايتارى» باتىرماسىن باسىپ, نۇسقاۋلارعا سايكەس ءوتىنىش بەرۋ جەتكىلىكتى.
ۆەريفيكاتسيانىڭ جاڭا iPhone 17 ءۇشىن ماڭىزى
اسىرەسە جاڭا iPhone 17, iPhone 17 Pro, iPhone 17 Pro Max نەمەسە iPhone Air قۇرىلعىلارىن ساتىپ العاندا, بۇل پروتسەسس وتە ماڭىزدى. ويتكەنى رەسمي اكەلىنبەگەن قۇرىلعىلاردا كەپىلدىك بولمايدى, جەلىلەر مەن سەرۆيس فۋنكتسيالارى تولىق قولجەتىمسىز بولۋى مۇمكىن. رەسمي ۆەريفيكاتسيالانعان قۇرىلعى بارلىق جاڭارتۋلار مەن جاڭا مۇمكىندىكتەردى تولىق قامتاماسىز ەتەدى.
Kaspi.kz سەرۆيستەرى ەندى پايدالانۋشىلارعا IMEI-كودىن تەكسەرىپ, لەگالدى قۇرىلعى العانىنا سەنىمدى بولۋعا مۇمكىندىك بەرەدى. بۇل ساتىپ الۋشىنى جالعان, رەسمي ەمەس نەمەسە كونتراباندالىق سمارتفوننان قورعاپ قانا قويماي, نارىقتىڭ اشىقتىعىن ارتتىرادى.