قىزىلوردا وبلىسىنىڭ شيەلى اۋدانىندا وتكەن كوكپار ويىنى كەزىندە كولىك جىلقىلاردى قاعىپ كەتكەن ءسات الەۋمەتتىك جەلىدە تاراپ, كوپشىلىكتىڭ تالقىسىنا ءتۇستى, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ مالىمەتىنشە, وقيعا 2025 جىلدىڭ 1 قاراشاسىندا العاباس اۋىلىندا بولعان. كوكپاردى اۋىل تۇرعىنى ۇيىمداستىرعان.
«الەۋمەتتىك جەلىدە جاريالانعان بەينەجازبا بويىنشا تەكسەرۋ جۇرگىزىلدى. وقيعا 2025 جىلدىڭ 1 قاراشاسىندا شيەلى اۋدانىنىڭ العاباس اۋىلىندا كەنت تۇرعىنى ۇيىمداستىرعان كوكپار ويىنى كەزىندە بولعان. ويىن بارىسىندا 102 ارناسىنا ەشقانداي حابارلاما تۇسپەگەن. قازىرگى ۋاقىتتا بۇزاقىلىق دەرەگى بويىنشا قىلمىستىق ءىس قوزعالدى», دەلىنگەن حابارلامادا.