وسى جانە باسقا دا دەرەكتەردى تۋريزم جانە سپورت ءمينيسترى ەربول مىرزابوسىنوۆ ۇكىمەت وتىرىسىندا ايتتى, دەپ جازادى Egemen.kz.
بيىلعى جىلدىڭ 9 ايىندا سالىنعان 35 نىساننان بولەك, تاعى 67 نىسان سالىنىپ جاتىر.
حالىقتىڭ سپورت ينفراقۇرىلىمىنا قولجەتىمدىلىگى 55%-دان اسقان, بۇل كورسەتكىش 2020 جىلمەن (46,2%) جانە 2023 جىلمەن (52,2%) سالىستىرعاندا ءوسىم كورسەتىپ وتىر.
بۇگىندە ەل اۋماعىندا 25 760 سپورت عيماراتى بار. ونىڭ ىشىندە 1 298 نىسان جوندەۋدى قاجەت ەتەدى.
«مينيسترلىكتىڭ نەگىزگى باعىتتارىنىڭ ءبىرى – سپورت ينفراقۇرىلىمىن دامىتۋ جانە حالىقتىڭ سپورتقا قولجەتىمدىلىگىن ارتتىرۋ. ەڭ جوعارى كورسەتكىشتەردى پاۆلودار, جامبىل, قاراعاندى وبلىستارى كورسەتىپ وتىر. تۇجىرىمداماعا سايكەس بۇل كورسەتكىشتى 2029 جىلى 65%-عا جەتكىزۋ مىندەتى تۇر», دەدى ە.مىرزابوسىنوۆ.