قازاقستاندا زەينەتاقى اكتيۆتەرىن باسقارۋدىڭ جاڭا ەرەجەلەرى بەكىتىلدى. ول 2026 جىلعى 1 قاڭتاردان باستاپ كۇشىنە ەنەدى, دەپ حابارلايدى قارجى نارىعىن رەتتەۋ جانە دامىتۋ اگەنتتىگى.
جاڭا ءتاسىلدىڭ باستى ەرەكشەلىگى – زەينەتاقى اكتيۆتەرىن باسقارۋشى كومپانيالاردىڭ قىزمەتىن كومپوزيتتىك يندەكستەر ارقىلى باعالاۋ. بۇل يندەكستەر قازاقستان مەن الەمدىك قور نارىقتارىنىڭ كورسەتكىشتەرىن بىرىكتىرىپ, باسقارۋدىڭ ناتيجەلىلىگىن جاھاندىق ەكونوميكالىق ۇردىستەر تۇرعىسىنان نەعۇرلىم ءادىل باعالاۋعا مۇمكىندىك بەرەدى.
سونىمەن قاتار, باسقارۋشى كومپانيالار سالىمشىلارعا ءارتۇرلى تاۋەكەل دەڭگەيى مەن تابىستىلىعى بار ينۆەستيتسيالىق ستراتەگيالاردى ۇسىنۋعا مۇمكىندىك الادى.
ينۆەستيتسيالىق مۇمكىندىكتەر دە كەڭەيتىلمەك – زەينەتاقى اكتيۆتەرىن ينۆەستيتسيالاۋعا ارنالعان قارجى قۇرالدارىنىڭ ءتىزىمى ۇلعايىپ, ءار باعىت بويىنشا ناقتى ليميتتەر بەلگىلەنەدى.
تاعى ءبىر جاڭالىق – ەرىكتى تۇردە اكتيۆتەردى قايتارۋ تەتىگى ەنگىزىلەدى. ياعني, باسقارۋشى كومپانيالار زەينەتاقى اكتيۆتەرىن ۇلتتىق بانككە قايتا تاپسىرۋ قۇقىعىنا يە بولادى.
اگەنتتىك مالىمەتىنشە, جاڭا تاسىلدەر زەينەتاقى اكتيۆتەرىنىڭ ۇزاقمەرزىمدى تابىستىلىعىن ارتتىرۋعا, باسقارۋشى كومپانيالار اراسىنداعى باسەكەلەستىكتى كۇشەيتۋگە جانە سالىمشىلارعا ءوز جيناقتارىن ءارتاراپتاندىرۋ مۇمكىندىگىن كەڭەيتۋگە باعىتتالعان.