ەلىمىزدە كولىك پەن م ۇلىك سالىعىنا قاتىستى وزگەرىس ەنگىزىلدى, دەپ حابارلايدى Egemen.kz.
كەلەر جىلدان باستاپ كۇشىنە ەنەتىن جاڭا سالىق كودەكسىنە سايكەس, كولىك پەن م ۇلىك سالىعىنا بىرقاتار جەڭىلدىك قاراستىرىلعان.
«ەڭ الدىمەن قوزعالتقىش كولەمى 4 ليتردەن اساتىن كولىك يەلەرىنە سالىناتىن سالىق مولشەرى ازايادى. بۇعان دەيىن 500 مىڭنان 800 مىڭ تەڭگەگە دەيىن تولەپ كەلگەن جۇرگىزۋشىلەر ەندى شامامەن 460 مىڭ تەڭگە كولەمىندە سالىق تولەيدى. سونىمەن قاتار ەسكىرگەن كولىكتەرگە جەڭىلدىك قاراستىرىلعان», - دەپ حابارلادى جاۋاپتى ۆەدومستۆو.
سونىمەن قاتار 2026 جىلدان باستاپ بيزنەسكە سالىناتىن سالىقتار سانى 20%-عا قىسقارادى. جەڭىلدىكتەر مەن الىمدار وڭتايلاندىرىلىپ, بىرىڭعاي جەر سالىعى جويىلماق. تولەمدەردىڭ جەكەلەگەن تۇرلەرى بويىنشا مولشەرلەمە سانى قىسقارتىلادى. وزگەرىستەر كورپوراتيۆتىك جانە جەكە تابىس سالىعىنان باستاپ, ينۆەستيتسيانى ىنتالاندىرۋعا جانە سالىق جۇكتەمەسىن قايتا بولۋگە دەيىنگى بارلىق نەگىزگى باعىتتى قامتيدى.
سالىق رەجيمى وڭتايلاندىرىلادى, ياعني ۇشەۋى قالادى:
ءوزىن-ءوزى جۇمىسپەن قامتىعاندار ءۇشىن, جەڭىلدەتىلگەن دەكلاراتسيا نەگىزىندە, فەرمەرلىك شارۋاشىلىقتار ءۇشىن.ءوزىن-ءوزى جۇمىسپەن قامتىعاندار موبيلدىك قوسىمشا ارقىلى سالىقتى ەسەپتەپ, تولەي الادى.
جاڭا سالىق كودەكسى 2026 جىلدىڭ 1 قاڭتارىنان باستاپ رەسمي تۇردە قولدانىسقا ەنگىزىلەدى.