بۇگىن قر پرەزيدەنتى قاسىم-جومارت توقاەۆتىڭ جارلىعىمەن ەلدىڭ جوعارى ءبىلىم بەرۋ سالاسىن دامىتۋعا قوسقان ۇلەسى ءۇشىن Woosong ءبىلىم بەرۋ قورىنىڭ قامقورشىلار كەڭەسىنىڭ توراعاسى كيم سونگ كيونگ ءىى دارەجەلى «دوستىق» وردەنىمەن ماراپاتتالدى, دەپ جازادى Egemen.kz.
ماراپاتتى قر عىلىم جانە جوعارى ءبىلىم ءمينيسترى ساياسات نۇربەك تابىستادى.
ايتا كەتەيىك, كەشە مەملەكەت باسشىسى Woosong ءبىلىم بەرۋ قورى قامقورشىلار كەڭەسىنىڭ توراعاسى كيم سونگ كيونگتى قابىلدادى. قاسىم-جومارت توقاەۆ تۇركىستاندا Woosong ۋنيۆەرسيتەتىنىڭ الەمدىك ءبىلىم بەرۋ تالاپتارىنا ساي كەلەتىن فيليالىن اشقانى ءۇشىن كيم سونگ كيونگكە ريزاشىلىعىن ءبىلدىردى.
بيىل تۇركىستان قالاسىندا كورەيا رەسپۋبليكاسىنىڭ جەتەكشى جوعارى وقۋ ورىندارىنىڭ ءبىرى سانالاتىن Woosong University Kazakhstan ۋنيۆەرسيتەتى اشىلدى. بۇل – تاريحي وقيعا ءارى قازاقستان مەن كورەيا رەسپۋبليكاسى اراسىنداعى ءبىلىم جانە عىلىم سالاسىنداعى ستراتەگيالىق ىنتىماقتاستىقتى نىعايتۋ جولىنداعى ماڭىزدى قادام.
جاڭا ۋنيۆەرسيتەت تەك ءبىلىم ورداسى عانا ەمەس, سونىمەن بىرگە حالىقارالىق ىنتىماقتاستىقتىڭ, يننوۆاتسيالاردىڭ جانە جوعارى بىلىكتى مامانداردى دايارلاۋدىڭ ورتالىعىنا اينالماق. بۇل ماماندار ەلىمىزدىڭ زياتكەرلىك الەۋەتىن قالىپتاستىرۋعا ەلەۋلى ۇلەس قوسادى.