كوكشەتاۋداعى جەكە جوعارى گۋمانيتارلىق-تەحنيكالىق كوللەدجدىڭ جاتاقحاناسىندا 16 جاستاعى ءبىرىنشى كۋرس ستۋدەنتىنىڭ دەنەسى تابىلدى, دەپ حابارلايدى Egemen.kz.
اقمولا وبلىستىق ءبىلىم باسقارماسىنىڭ مالىمەتىنشە, وقيعانىڭ الدىن الا سەبەبى – جۇرەكتىڭ كەنەتتەن توقتاۋى.
فاكت تىركەلىپ, پوليتسيا قر قىلمىستىق كودەكسىنىڭ ءتيىستى بابىمەن قىلمىستىق ءىس قوزعادى.
الدىن الا دەرەكتەرگە سۇيەنسەك, وقيعا قىلمىستىق سيپاتتا ەمەس. قازىرگى ۋاقىتتا تەرگەۋ امالدارى جۇرگىزىلۋدە, – دەپ مالىمدەدى وبلىستىق پد ءباسپاسوز قىزمەتى.
ءبىلىم باسقارماسى وقيعا تۋرالى اقپارات پوليتسيا مەن قۇزىرلى ورگاندارعا بەلگىلەنگەن تارتىپپەن دەرەۋ جەتكىزىلگەنىن, سونداي-اق جەدەل-تەرگەۋ توبى جۇمىس ىستەپ جاتقانىن حابارلادى.