قازىر ءونىمنىڭ ساپاسى عانا ەمەس, ونى قالاي ۇسىناتىنىڭ دا ۇلكەن ماڭىزعا يە. تۇتىنۋشىنىڭ قانداي تاۋاردى, قالاي جانە قانشا مولشەردە قولداناتىنى كوبىنە جارناما ارقىلى قالىپتاسادى.
تەلەديداردان, الەۋمەتتىك جەلىدەن نەمەسە كوشەدەگى باننەرلەردەن كورگەن كورىنىس سانامىزدا ساقتالىپ, ءبىزدىڭ كۇندەلىكتى ارەكەتىمىزگە اسەر ەتەدى. ونى ءوزىمىز دە بايقاماۋىمىز مۇمكىن. وسىنداي ەرەكشە ماركەتينگتىك ايلانى ءساتتى پايدالانعان كومپانيالاردىڭ ءبىرى – «Alka-Seltzer». بۇل – باس اۋرۋى مەن اسقازان جايسىزدىعىنا قارسى قولدانىلاتىن تانىمال ءدارى. 1960 جىلدان باستاپ اكتەرلەر جارنامادا ءبىر ەمەس, ەكى تابلەتكانى ستاقانعا قاتار تاستايتىن بولدى. ءدال وسى ءتاسىلدىڭ ارقاسىندا ءدارىنىڭ ساتىلىمى كۇرت ارتقان ەكەن.