جىلىوي اۋدانىندا 55 جاستاعى ايەل زەينەتكەردىڭ ۇيىنە كىرىپ, زەرگەرلىك بۇيىمىن ۇرلاعان. كۇدىكتى ۇستالىپ, سوتقا دەيىنگى تەرگەۋ باستالدى, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەندەي, وقيعا 27 قازاندا جىلىوي اۋدانىنداعى قوسشاعىل اۋىلىندا بولعان.
«جىلىوي اۋداندىق پوليتسيا بولىمىنە قوسشاعىل اۋىلىنىڭ تۇرعىنىنان شابۋىل جاسالعانى جونىندە حابار ءتۇستى. بەلگىسىز ايەل 62 جاستاعى ءۇي يەسىنە قاراي وتكىر ءيىستى سۇيىقتىق شاشقان. سودان كەيىن زەرگەرلىك بۇيىمدارىن ۇرلاپ, وقيعا ورنىنان جاسىرىنعان. جەدەل-ىزدەستىرۋ شارالارىنىڭ ناتيجەسىندە پوليتسەيلەر 55 جاستاعى كۇدىكتىنى ۇستادى. كۇدىكتى ۋاقىتشا ۇستاۋ يزولياتورىنا قامالدى», دەپ حابارلادى دەپارتامەنتتىڭ ءباسپاسوز قىزمەتى.
جابىرلەنۋشىگە مەديتسينالىق كومەك كورسەتىلىپ, كەيىن ۇيىنە جىبەرىلدى.
«ونىڭ ءومىرى مەن دەنساۋلىعىنا ءتونىپ تۇرعان قاۋىپ جوق. اتالعان دەرەككە قاتىستى زورلىق قولدانۋ ارقىلى جاسالعان توناۋ فاكتىسى بويىنشا سوتقا دەيىنگى تەرگەۋ امالدارى جۇرگىزىلىپ جاتىر», دەپ مالىمدەدى پوليتسيا دەپارتامەنتىنەن.