جاڭبىر جاۋىپ, ۇسىك جۇرەدى: بىرنەشە وڭىردە دابىلدى ەسكەرتۋ جاريالاندى

اقمولا وبلىسىندا تۇندە وبلىستىڭ باتىسىندا, سولتۇستىگىندە جانە وڭتۇستىگىندە وڭتۇستىك جانە وڭتۇستىك-باتىستان جەل سوعىپ, ەكپىنى 15–20 م/س, كۇندىز سول اۋماقتاردا 23–28 م/س دەيىن جەتەدى. وبلىستىڭ وڭتۇستىك-باتىسىندا ءورت قاۋپى جوعارى بولادى.

سولتۇستىك قازاقستان وبلىسىندا تۇندە جانە تاڭەرتەڭ باتىستا تۇمان تۇسەدى. كۇندىز وڭتۇستىك-باتىستان جانە باتىستان جەل سوعىپ, ەكپىنى كەي جەرلەردە 15–20 م/س جەتەدى.

قوستاناي وبلىسىنىڭ باتىسىندا جانە سولتۇستىگىندە قاتتى جاڭبىر جاۋادى. تۇندە جانە تاڭەرتەڭ سولتۇستىگىندە مەن شىعىسىندا تۇمان تۇسەدى. جەل وڭتۇستىك-باتىستان سولتۇستىك-باتىسقا اۋىسىپ, ەكپىنى كەي جەرلەردە 15–20 م/س جەتەدى. وبلىستىڭ وڭتۇستىگىندە ءورت قاۋپى وتە جوعارى, ال وڭتۇستىك-باتىسىندا جوعارى دەڭگەيدە ساقتالادى.

قاراعاندى وبلىسىندا وڭتۇستىك-شىعىستان جانە وڭتۇستىكتەن جەل سوعىپ, كۇندىز باتىسىندا, سولتۇستىگىندە جانە شىعىسىندا ەكپىنى 15–20 م/س دەيىن كۇشەيەدى. وبلىستىڭ باتىسىندا ءورت قاۋپى جوعارى بولادى.

ۇلىتاۋ وبلىسىندا وڭتۇستىك-شىعىستان جانە وڭتۇستىكتەن جەل سوعىپ, كەي جەرلەردە سولتۇستىگىندە, شىعىسىندا جانە وڭتۇستىگىندە ەكپىنى 15–20 م/س جەتەدى. وبلىس بويىنشا ءورت قاۋپى جوعارى, ال وڭتۇستىگىندە وتە جوعارى دەڭگەيدە ساقتالادى.

شىعىس قازاقستان وبلىسىنىڭ سولتۇستىگىندە, شىعىسىندا جانە وڭتۇستىگىندە تۇمان تۇسەدى. كۇندىز وڭتۇستىك-شىعىسىندا جەلدىڭ ەكپىنى 15–20 م/س دەيىن كۇشەيەدى.

اباي وبلىسىنىڭ سولتۇستىگىندە جانە شىعىسىندا تۇمان تۇسەدى. تاڭەرتەڭ جانە كۇندىز وڭتۇستىگىندە جانە ورتالىعىندا جەلدىڭ ەكپىنى 15–20 م/س جەتەدى. وبلىستىڭ وڭتۇستىگىندە ءورت قاۋپى جوعارى بولادى.

الماتى وبلىسىندا تۇندە جانە تاڭەرتەڭ وڭتۇستىگىندە تۇمان تۇسەدى.

جەتىسۋ وبلىسىندا تۇندە جانە تاڭەرتەڭ سولتۇستىگىندە, ورتالىعىندا جانە تاۋلى ايماقتاردا تۇمان تۇسەدى. الاكول كولدەرى ماڭىندا جەلدىڭ ەكپىنى 15–20 م/س, كەي جەرلەردە 23–28 م/س دەيىن كۇشەيەدى. تۇندە ورتالىعىندا 2 گرادۋسقا دەيىن ۇسىك جۇرەدى.

جامبىل وبلىسىندا تۇندە جانە تاڭەرتەڭ وڭتۇستىگىندە جانە تاۋلى ايماقتاردا تۇمان تۇسەدى. جەل سولتۇستىك-شىعىستان وڭتۇستىك-باتىسقا اۋىسىپ, كەي جەرلەردە (وڭتۇستىك-باتىستا, سولتۇستىك-شىعىستا جانە تاۋلى وڭىرلەردە) ەكپىنى 15–20 م/س, كۇندىز 25 م/س دەيىن جەتەدى. وبلىستىڭ باتىسى مەن سولتۇستىگىندە ءورت قاۋپى وتە جوعارى, ال ورتالىعىندا, وڭتۇستىگىندە جانە شىعىسىندا جوعارى دەڭگەيدە ساقتالادى.

تۇركىستان وبلىسىندا كۇننىڭ سوڭىندا تاۋلى ايماقتاردا قاتتى جاڭبىر جاۋادى. كۇندىز باتىستان جانە وڭتۇستىك-باتىستان جەل سوعىپ, ەكپىنى 15–20 م/س, كەي جەرلەردە 23–28 م/س دەيىن جەتەدى. وبلىستىڭ وڭتۇستىگىندە جانە ءشولدى ايماقتاردا ءورت قاۋپى وتە جوعارى بولادى.

شىمكەنت پەن تۇركىستان قالالارىندا كۇندىز جەلدىڭ ەكپىنى 15–20 م/س جەتەدى.

قىزىلوردا وبلىسىندا تۇندە جانە تاڭەرتەڭ سولتۇستىگىندە جانە شىعىسىندا تۇمان تۇسەدى, كۇندىز ورتالىعىندا جانە سولتۇستىگىندە شاڭدى داۋىل سوعادى. جەل وڭتۇستىكتەن باتىسقا اۋىسىپ, كۇندىز ورتالىعىندا جانە سولتۇستىگىندە ەكپىنى 15–20 م/س جەتەدى. ءورت قاۋپى وتە جوعارى, ال ورتالىعىندا جانە سولتۇستىگىندە جوعارى دەڭگەيدە ساقتالادى.

اقتوبە وبلىسىندا باتىستان جانە سولتۇستىك-باتىستان جەل سوعىپ, كۇندىز سولتۇستىگىندە, وڭتۇستىگىندە جانە شىعىسىندا ەكپىنى 15–20 م/س دەيىن جەتەدى. وڭتۇستىگى مەن شىعىسىندا ءورت قاۋپى جوعارى, ال باتىسىندا, سولتۇستىك-شىعىسىندا جانە ورتالىعىندا وتە جوعارى دەڭگەيدە بولادى.

باتىس قازاقستان وبلىسىندا تۇندە جانە تاڭەرتەڭ باتىسىندا جانە سولتۇستىگىندە تۇمان تۇسەدى.

اتىراۋ وبلىسىندا تۇندە جانە تاڭەرتەڭ باتىسىندا جانە وڭتۇستىگىندە تۇمان تۇسەدى. وبلىستىڭ شىعىسىندا ءورت قاۋپى وتە جوعارى, سولتۇستىك-شىعىسى مەن وڭتۇستىك-شىعىسىندا جوعارى دەڭگەيدە ساقتالادى.

ماڭعىستاۋ وبلىسىندا باتىسى مەن وڭتۇستىگىندە ءورت قاۋپى جوعارى دەڭگەيدە ساقتالادى.