بۇگىن قالامگەر-ەسسەيست, ادەبيەتتانۋشى عالىم, قازاقستاننىڭ ەڭبەك سىڭىرگەن قايراتكەرى ماقسات ءتاج-مۇرات دۇنيەدەن وزدى. قارالى حاباردى مارقۇمنىڭ قالامداس باۋىرلارى جەتكىزدى, دەپ جازادى Egemen.kz.
ماقسات انەس ۇلى ءتاج-مۇرات 1959 جىلى قاراشادا اتىراۋ وبلىسىنا قاراستى قوسشاعىل پوسەلكەسىندە دۇنيەگە كەلگەن. قىزمەت جولىن 1983-1990 جىلدار ارالىعىندا ء«بىلىم جانە ەڭبەك» جۋرنالىنان باستاعان ول, «سوتسياليستىك قازاقستان» گازەتىندە ءتىلشى, «گوريزونت»-«وركەن» گازەتىندە رەداكتوردىڭ ورىنباسارى, «جالىن» جۋرنالىنىڭ جاۋاپتى سەكرەتارى, قازاقستان لكجو وك جاستار بۇقارالىق اقپارات قۇرالدارى سەكتورىنىڭ مەڭگەرۋشىسى بولىپ جالعاستىردى. كەيىن ون جىلعا جۋىق قازمۋ-ءدىڭ فيلولوگيا فاكۋلتەتىندە وقىتۋشى بولدى. كەيىن «قازاق ادەبيەتى»گازەتى, «انا ءتىلى» گازەتى, «استانا» جۋرنالى سىندى ىرگەلى باسىلىمداردا باسشىلىق قىزمەت اتقاردى.
قالامگەر «شاڭگەرەي: جاسامپازدىق ءومىرى», «باتىس الاش-وردا: بيوبيبليوگرافيالىق سوزدىك تاجىريبەسى», «عۇمار قاراش: ءومىرى مەن شىعارماشىلىعى», «كابيسا جىل: زەرتتەۋ, ەسسە, ادەبي تولعامدار», «قاھارماندىق اناتومياسى. مانشۇكتىڭ ءمالىمسىز مايدانى», «ديماش. كوگدا جاجدۋت كريكا» كىتاپتارىنىڭ جانە مەرزىمدى باسىلىمدار بەتىندە جاريالانعان جۇزگە تارتا ماقالانىڭ اۆتورى.
مارقۇم «Egemen Qazaqstan» گازەتىنە بەرگەن سوڭعى سۇحباتىندا اقسەلەۋ سەيدىمبەكتىڭ ءسوزىن ەسكە العان ەدى:
«احاڭ ۇستازىم قايتارىنىڭ الدىندا: «اي, ماقساتجان, جازاتىنىڭدى 65-كە دەيىن جازىپ قال, ودان ءارى – شاباش!» دەپ ەدى, بىلگەندەي-اق ايتقان ەكەن, جارىقتىق. سوندا ءوزى 67-دە ەكەن عوي, قاراپ وتىرسام. ال جازۋشى ءۇشىن جازا الماي قالۋ – وتە اۋىر, ءتىپتى وكىنىشتى, قايعىلى جاعداي بولۋى كەرەك».
ماقسات ءتاج-مۇرات تا 66 جاسىندا ءفاني جالعانمەن قوش ايتىستى.