اقتوبەدە 13 جاستاعى وقۋشى اكەسىنىڭ كولىگىن جاسىرىن ءمىنىپ كەتىپ, جول اپاتىنا ۇشىراعان. اۋىر جاراقات العان جەتكىنشەك اۋرۋحانادا كوز جۇمعان. بۇل سوڭعى ەكى ايدا وبلىستا تىركەلگەن ەكىنشى قايعىلى جاعداي, دەپ حابارلايدى Egemen.kz.
اقتوبە وبلىستىق پوليتسيا دەپارتامەنتىنىڭ مالىمەتىنشە, 27 قازان كۇنى اقتوبە قالاسىنداعى باۋىرلاستار تۇرعىن اۋدانىندا 13 جاستاعى بالا اكەسىنىڭ كولىگىنىڭ كىلتىن رۇقساتسىز الىپ, كولىك ايداعان.ء جاسوسپىرىم كولىكتى باسقارا الماي, جول اپاتىنا تۇسكەن. سالدارىنان وقۋشى اۋىر جاراقات الىپ, اۋرۋحانادا كوز جۇمعان.
«اتالعان فاكتى بويىنشا سوتقا دەيىنگى تەرگەۋ باستالدى. قازىرگى ۋاقىتتا وقيعانىڭ بارلىق ءمان-جايى انىقتالىپ جاتىر. پوليتسيا اتا-انالارعا بالالارعا كولىك جۇرگىزۋگە رۇقسات بەرمەۋ كەرەكتىگىن ەسكەرتەدى», دەلىنگەن حابارلامادا.
ەستەرىڭىزگە سالا كەتەيىك, بيىل 2 قىركۇيەكتە ءدال وسى اۋماقتا تاعى ءبىر 16 جاستاعى ءجاسوسپىرىم اكەسىنىڭ كولىگىن ايداپ شىعىپ, اپات سالدارىنان كوز جۇمعان ەدى.