پەتروپاۆل. 20 اقپان. سولتۇستىك قازاقستان وبلىسىنىڭ ءتارتىپ ساقشىلارى جامبىل جانە تيميريازەۆ اۋداندارىندا ءسىبىر ەلىكتەرىن اتىپ الىپ, وڭاي ولجاعا كەنەلمەك بولعان كۇدىكتىلەردىڭ جولىن كەستى. بۇل تۋرالى ىشكى ىستەر دەپارتامەنتىنىڭ ءباسپاسوز قىزمەتى حابارلادى.
تابيعات قورعاۋ پوليتسياسىنىڭ قىزمەتكەرى ەسلامبەك ماكەنوۆتىڭ ايتۋىنشا, كەزەكتى رەيد كەزىندە كازانكا اۋىلىنىڭ 67 جاستاعى تۇرعىنى ۇستالعان. ول تۇلكى مەن ەلىكتى شاتاستىرىپ العانىن ايتىپ قانشا جالتارسا دا, قىلمىستىق جاۋاپكەرشىلىكتەن قۇتىلا المايتىن بولدى.
دوكۋچاەۆ ەلدى مەكەنىنىڭ بەس تۇرعىنى ەلىك اتۋعا ابدەن سايلانىپ شىققانعا ۇقسايدى. Toyota اۆتوكولىگىن ءتىنتۋ بارىسىندا ەكى ەلىكتىڭ ەتى, ت ۇلىكتىڭ تەرىسى, يج-43 12 كاليبرلى قوس مىلتىق جانە سومكە تولى وق الىندى.
زاڭسىز اڭ اۋلاۋشىلاردىڭ ۇستىنەن قىلمىستىق كودەكستىڭ 337-ءشى بابى بويىنشا قىلمىستىق ءىز قوزعالدى. قىلمىستارى دالەلدەنگەن جاعدايدا 2000 ايلىق ەسەپتىك كورسەتكىش مولشەرىندە ايىپپۇل تولەۋى, تۇزەۋ جۇمىستارىنا جىبەرىلۋى بولماسا 2 جىلعا دەيىن باس بوستاندىقتارىنان ايرىلۋى مۇمكىن. بۇدان تىسقارى 100 ايلىق ەسەپتىك كورسەتكىش كولەمىندە ايىپپۇل تولەۋلەرىنە تۋرا كەلەدى.
وبلىستىڭ پوليتسيا قىزمەتكەرلەرى جىل باسىنان بەرى زاڭسىز اڭ جانە بالىق اۋلاۋدىڭ 73 وقيعاسىن اشتى. 2 مارال, 7 ەلىك جانە 1 تۇلكى اتىپ الۋ وقيعالارىنا بايلانىستى 5 قىلمىستىق ءىس جۇرگىزىلۋدە.
ءومىر ەسقالي.
دەرەك: سولتۇستىك قازاقستان وبلىستىق ىشكى ىستەر دەپارتامەنتىنىڭ ءباسپاسوز قىزمەتى.
سۋرەت: today.kz.