قاسىم-جومارت توقاەۆقا Orient Ceramic KZO كومپانياسىنىڭ قىش تاقتا وندىرەتىن زاۋىتى, Fabe Agro جىلىجاي كەشەنى, With You قاتتى تۇرمىستىق قالدىقتاردى وڭدەيتىن كاسىپورنى, Seven Rivers Technologies كومپانياسىنىڭ شىنى ىدىستار ءوندىرىسى جانە باسقا دا جوبالار جونىندە باياندالدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنتكە شىنى كلاستەرىن دامىتۋ جانە بۋ-گاز قوندىرعىسى, تاۋ-كەن بايىتۋ فابريكاسى, كالتسيلەندىرىلگەن سودا ءوندىرۋ زاۋىتى, تاۋارلى ءسۇت فەرماسى جوبالارىن ىسكە اسىرۋ جوسپارى جايىندا ايتىلدى.
مەملەكەت باسشىسى العا قويعان جوسپارلاردى ۋاقتىلى جانە ساپالى ىسكە اسىرۋدىڭ ماڭىزىن اتاپ ءوتتى. سونداي-اق وبلىس اكىمى نۇرلىبەك نالىباەۆقا ينۆەستيتسيالىق كليماتتى جاقسارتۋ جانە بيزنەس جۇرگىزۋ ءۇشىن قولايلى جاعداي جاساۋ باعىتىنداعى جۇمىستاردى جالعاستىرۋدى تاپسىردى.