الماتى قالاسىندا FAIO 2025 – جاساندى ينتەللەكت بويىنشا ەكىنشى حالىقارالىق وليمپيادا بۇگىن باستالدى, ەرتەڭ 31 قازاندا اياقتالادى. بۇل جي سالاسىنداعى وقۋشىلاردىڭ ەڭ ءىرى كوماندالىق جارىسى, دەپ جازادى Egemen.kz.
ەسكە سالايىق, بيىلعى ىرىكتەۋ كەزەڭىنە قازاقستان, رەسەي, بولگاريا, گرۋزيا, قىرعىزستان, وزبەكستان, ارمەنيا, تاجىكستان, كيپر, ياعني 9 ەلدەن 400-دەن استام كوماندا, جالپى سانى 1200-گە جۋىق قاتىسۋشى باق سىناپ, ونىڭ ىشىندە 200-دەن استامى فينالدىق كەزەڭگە جولداما الدى.
وقۋ-اعارتۋ مينيسترلىگىنىڭ مالىمەتىنشە ەندى الماتىدا فينالدا 7 ەلدەن كەلگەن 51 كوماندا تارتىسقا تۇسەدى.
حالىقارالىق باسەكە 2024 جىلى العاش رەت وتكىزىلىپ, وعان ەلىمىزدىڭ ءار وڭىرىنەن 300-دەن استام كوماندا قاتىسىپ, وليمپيادا فيناليستەرى بەيجىڭ قالاسىندا وتكەن حالىقارالىق AI وليمپياداسىندا (IOAI) جوعارى ناتيجەلەرگە قول جەتكىزگەن.