بۇگىن ماڭعىستاۋ وبلىسىنىڭ اكىمى نۇرداۋلەت قيلىباي جۇمىس ساپارىمەن ماڭعىستاۋ اۋدانىنا بارىپ, وڭىردە قىزمەت ەتىپ جاتقان ءىرى وندىرىستىك كاسىپورىن وكىلدەرى جانە اۋداننىڭ جۇمىسسىز ازاماتتارىمەن كەزدەسۋ وتكىزدى, دەپ حابارلايدى Egemen.kz ماڭعىستاۋ وبلىسى اكىمىنىڭ ءباسپاسوز قىزمەتىنە سىلتەپ.
بۇل كەزدەسۋ — بۇعان دەيىن اۋدان تۇرعىندارىمەن وتكەن جيىندا وبلىس اكىمى بەرگەن ۋادەنىڭ جالعاسى. سول جيىندا ايماق باسشىسى تۇرعىنداردى جۇمىسپەن قامتۋ ماقساتىندا جۇمىس بەرۋشى كومپانيالارمەن جەكە كەزدەسۋ ۇيىمداستىرىلاتىنىن اتاپ وتكەن بولاتىن.
جيىن بارىسىندا ۆاكانسيا ۇسىنىپ وتىرعان مەكەمە وكىلدەرى ءوز كاسىپورىندارىنداعى بوس جۇمىس ورىندارى تۋرالى اقپارات بەرىپ, جىل سوڭىنا دەيىنگى جوسپارلانعان جۇمىس ورىندارىنىڭ سانىن باياندادى. اكىم جۇمىسسىز ازاماتتار مەن جۇمىس بەرۋشىلەر اراسىنداعى بايلانىستى نىعايتۋ قاجەتتىگىن ايتىپ, ۇسىنىلعان ۆاكانسيالاردىڭ ءتيىمدى ءارى ءادىل ءبولىنۋى ماڭىزدى ەكەنىن ەرەكشە اتاپ ءوتتى.
«بۇل — اۋداندا وسى باعىتتا ۇيىمداستىرىلعان العاشقى كەزدەسۋ. كەلەسى جىلدان باستاپ ءىرى كاسىپورىندار مەن ولارعا قىزمەت كورسەتەتىن مەردىگەر ۇيىمدار بوساعان جۇمىس ورىندارى تۋرالى مالىمەتتى اۋدان اكىمدىگىنە تۇراقتى تۇردە ۇسىنۋى قاجەت. ال اۋدان اكىمدىگى تۇرعىندارمەن بىرگە بوس ورىنداردى اشىق ءارى ءادىل تۇردە ءبولۋى ءتيىس», دەدى وبلىس اكىمى.
سونداي-اق كەزدەسۋدە ازاماتتار ءوز ساۋالدارىن قويىپ, ۇسىنىستارىن ءبىلدىردى.
ايتا كەتەيىك, وبلىس اكىمىنىڭ تاپسىرماسىنا سايكەس الداعى ۋاقىتتا ءوڭىر تۇرعىندارىن جۇمىسپەن قامتۋ ماقساتىندا ءار اۋداندا ورنالاسقان ءىرى وندىرىستىك كاسىپورىنداردىڭ باسشىلارىمەن وسىنداي كەزدەسۋلەر ۇيىمداستىرىلاتىن بولادى.
ماڭعىستاۋ وبلىسى