كوپقاباتتى ءۇي اۋلاسىندا ويناپ جۇرگەن بالانى تۇيە تاپتاپ, زارداپ شەككەن بالا اۋرۋحاناعا جەتكىزىلگەن, دەپ حابارلايدى Egemen.kz.
وقيعانىڭ 26 قازاندا قۇلسارىداعى 3-ىقشاماۋداندا بولعانىن حابارلاعان جىلىوي اۋدانى اكىمدىگىنىڭ مالىمەتىنشە قازىرگى ۋاقىتتا زارداپ شەككەن بالا تراۆماتولوگيا بولىمىندە ەم الىپ جاتىر.
ۆەتەريناريالىق ينسپەكتسيادان ءمالىم بولعانداي تۇيەنىڭ قۇلاعىنداعى سىرعا ماڭعىستاۋ وبلىسىنا تيەسىلى, الايدا جانۋار دەرەكقوردا تىركەلمەگەن ەكەن.
«مامانداردىڭ ايتۋىنشا تۇيەدەن اۋرۋ بەلگىلەرى انىقتالماعان, جانۋار ارنايى وقشاۋلانعان الاڭعا قامالدى. ال تۇيەنىڭ يەسىن انىقتاۋ جۇمىستارى كورشى ءوڭىر ماماندارىمەن بىرلەسىپ جۇرگىزىلىپ جاتىر», دەپ قورىتىندىلادى جەرگىلىكتى اتقارۋشى ورگان.
وقيعا تۋرالى ۆيدەو 29 قازاندا تاراعان.