استانا. 19 اقپان. زيمبابۆە پرەزيدەنتى روبەرت مۋگابەنىڭ الدا اتاپ وتىلەتىن تۋعان كۇنىنە ءپىل, وعان قوسا, ءتىپتى ارىستان دا سويىلاتىن ءتۇرى بار. بۇل تۋرالى «گازەتا.Ru» حابارلادى.
جاسى 91-گە تولاتىن ديكتاتوردىڭ بۇل جولعى تۋعان كۇنى كەڭ كولەمدە اتاپ وتىلگەلى وتىر. ول 28 اقپاندا ۆيكتوريا سارقىراماسىنا جاقىن جەردەگى كورىكتى سپا-وتەلدە وتپەكشى. شاراعا 20 مىڭعا جۋىق ادام شاقىرىلىپتى.
بەلگىلى بولعانداي, مەرەكەلىك داستارحانعا اس ءمازىرىن دايارلاۋ ءۇشىن جالپى قۇنى 105 مىڭ ەۋرونى قۇرايتىن ەكى ءپىل, ەكى بۋيۆول, بەس انتيلوپا جانە ءبىر ارىستان سويىلادى. بۇل جانۋارلاردىڭ ءبارىن جەرگىلىكتى فەرمەر جەتكىزىپ بەرەدى. بۇدان بولەك, قىتايدان تىكە جولمەن 27 ءپىل جەتكىزىلەدى.
تابيعاتتى قورعاۋشىلار زيمبابۆە ديكتاتورىنىڭ بۇل ارەكەتىن ايىپتاپ جاتىر. بۇعان جەرگىلىكتى تۇرعىندار دا نارازى. ولار مۋگابەنى باعالى رەسۋرستاردى جويىپ جىبەرىپ, ورنىن قايتا تولتىرمايدى, دەپ ايىپتاۋدا. ال پرەزيدەنتكە ۇسىنىلىپ وتىرعان جانۋارلار ونىڭ جىل سايىنعى اڭشىلىعىنداعى كۆوتاعا كىرەدى ەكەن.
بۇعان قوسا, بۇل ەلدى تاۋەلسىزدىك العالى بەرى «تەمىر قولىمەن» باسقارىپ كەلە جاتقان مۋگابەنىڭ تۋعان كۇنىن دۇرىلدەتىپ ءبىرىنشى رەت تويلاۋى ەمەس ەكەن. ول وتكەن جىلى 90-عا تولعانىندا اۋەگە 90 شار ۇشىرىپ, مەرەكەلىك داستارحانعا 90 سيىر سويعىزىپ, سالماعى 90 كيلو كەلەتىن پيروگ ءپىسىرتىپتى. سول توي مەملەكەت ءۇشىن 40 ملن. دوللار شىعىن اكەلگەن.
ال پرەزيدەنت 100-گە تولعانىن قالاي تويلايتىنىن قازىردەن ويلاستىرىپ جاتقان سياقتى.
ەل كونستيتۋتسياسىنا سايكەس پرەزيدەنت مەملەكەتتى 99 جاسقا تولعانشا باسقارا الادى.
مۇرات ايتقوجا.