ۇكىمەت مەملەكەت باسشىسى قاسىم-جومارت توقاەۆتىڭ حالىققا جولداۋىندا جۇكتەلگەن مىندەتتەردى ورىنداۋ اياسىندا ەكونوميكالىق ءوسىمدى قامتاماسىز ەتۋگە, ينۆەستيتسيالىق بەلسەندىلىكتى ارتتىرۋعا جانە كاسىپكەرلىكتى دامىتۋعا باعىتتالعان كەشەندى شارالاردى قارقىندى جۇزەگە اسىرىپ جاتىر, دەپ حابارلايدى Egemen.kz.
2025 جىلدىڭ توعىز ايىنىڭ قورىتىندىسى بويىنشا قازاقستان ەكونوميكاسىنىڭ ءوسىمى 6,3%-دى قۇرادى. بۇل كورسەتكىش جىل باسىنداعى دەڭگەيدەن 2,3 پايىزدىق تارماققا جوعارى. ەلدىڭ نەگىزگى ەكونوميكالىق تىرەكتەرى – كولىك, قۇرىلىس, ساۋدا جانە ونەركاسىپ سالالارى ءوسىمنىڭ باستى قوزعاۋشى كۇشىنە اينالىپ وتىر.
ء«وسۋ قارقىنى قاڭتاردان قىركۇيەككە دەيىن جەدەلدەدى: قاڭتاردا – 3,8%, قاڭتار-اقپاندا – 5,4%, قاڭتار-ناۋرىزدا – 5,6%, قاڭتار-ساۋىردە – 6%, قاڭتار-مامىردا – 6%, قاڭتار-ماۋسىمدا – 6,3%, قاڭتار-شىلدەدە – 6,3% جانە قاڭتار-تامىزدا 6,5% بولدى.بۇل ءوسۋ قارقىنى ەكونوميكانى ءارتاراپتاندىرۋ جانە سالالاردى تەڭگەرىمدى دامىتۋ ەسەبىنەن جۇزەگە اسىرىلۋدا. ءوسىمنىڭ نەگىزگى درايۆەرلەرى كولىك جانە قويمالاۋ قىزمەتتەرى (+21,2%), قۇرىلىس (+14,9%), ساۋدا (+8,8%), تاۋ-كەن (+9,3%) جانە وڭدەۋ ونەركاسىبى (+6,2%) بولدى», دەپ حابارلادى ۇكىمەتتىڭ ءباسپاسوز قىزمەتى.
سونىمەن قاتار بيىلعى قاڭتار-قىركۇيەك ارالىعىندا ينۆەستيتسيالار جىلدىق ماندە 13,5%-عا, ونىڭ ىشىندە وڭدەۋ ونەركاسىبىنە 30,7%-عا ۇلعايعان.
ينۆەستيتسيالاردىڭ بەلسەندى ءوسۋى ينفراقۇرىلىمدىق جوبالاردىڭ ىسكە اسىرىلۋىمەن, ەكىنشى دەڭگەيلى بانكتەردىڭ كاسىپكەرلىككە نەسيە بەرۋ كولەمىنىڭ ۇلعايۋىمەن جانە ء«تاريفتى ينۆەستيتسياعا ايىرباستاۋ», «كەلەشەك مەكتەپتەرى» باعدارلامالارىنىڭ جۇزەگە اسۋىمەن تىعىز بايلانىستى.
كاسىپكەرلىك سالاسىندا دا وڭ وزگەرىستەر بايقالادى. 2025 جىلعى 1 قىركۇيەكتەگى مالىمەت بويىنشا ەلدە 2 174 309 كاسىپورىن تىركەلگەن. بۇل وتكەن جىلمەن سالىستىرعاندا 6,4%-عا ارتىق. شوب-تىڭ ەكونوميكاداعى ۇلەسى 38,6%-عا دەيىن ءوسىپ, ال ءونىم شىعارۋ كولەمى 11,4%-عا ۇلعايىپ 18,7 تريلليون تەڭگەگە جەتكەن.