«قازگيدرومەت» بولجامىنا سايكەس, 28 قازان كۇنى قازاقستاننىڭ باتىسى مەن وڭتۇستىگىندە, سونداي-اق شىعىس پەن وڭتۇستىك-شىعىستىڭ تاۋلى وڭىرلەرىندە جاڭبىر جاۋادى, دەپ حابارلايدى Egemen.kz.
كەي جەرلەردە نايزاعاي ويناپ, جەلدىڭ ەكپىنى كۇشەيۋى مۇمكىن. ال ەلدىڭ سولتۇستىك, سولتۇستىك-باتىس جانە ورتالىق بولىگىندە انتيتسيكلوننىڭ ىقپالىمەن جاۋىن-شاشىنسىز كۇن رايى ساقتالادى.
تۇندە جانە تاڭەرتەڭ كەي ايماقتاردى تۇمان باسۋى ىقتيمال. باتىس پەن وڭتۇستىكتە اۋا تەمپەراتۋراسى تومەندەپ, كۇن سالقىندايدى — +9…+17°س شاماسىندا بولادى.
استانا قالاسىندا بۇگىن كۇن بۇلتتى, بىراق جاۋىن-شاشىنسىز, كۇندىز +9…+11 °C, تۇندە –1…–3 °C. ال, الماتىدا اۋا تەمپەراتۋراسى كۇندىز +16…+18 °C, تۇندە +8…+10 °C, كەي جەرلەردە جاۋىن جاۋادى. شىمكەنتتە كۇن جىلىراق — +21…+23 °C, تۇندە +9…+11 °C شاماسىندا, كەي ۋاقىتتا جاڭبىر جاۋى ىقتيمال.
سونىمەن قاتار مەتەورولوگتار قولايسىز اۋا رايى جاعدايلارى قوستاناي, قاراعاندى, تەمىرتاۋ, سەمەي, استانا جانە تۇنگى ۋاقىتتا اتىراۋ قالالارىندا بايقالۋى مۇمكىن ەكەنىن ەسكەرتتى.