ەلىمىزدە وتىن-ەنەرگەتيكا كەشەنىندە جي تەحنولوگيالارىن قولدانۋ ماسەلەسى پىسىقتالىپ جاتىر. بۇل تۋرالى ۇكىمەت وتىرىسىندا ەنەرگەتيكا ءمينيسترى ەرلان اقكەنجەنوۆ حابارلادى, دەپ جازادى Egemen.kz.
وسى ماقساتتا تەك سالاسىنا جي ەنگىزۋ جونىندەگى اكسەلەراتسيالىق توپ قۇرىلىپ, ونىڭ قۇرامىنا سالانىڭ جەتەكشى كومپانيالارىنىڭ وكىلدەرى كىردى.
«توپتىڭ نەگىزگى مىندەتى – سالالىق قاجەتتىلىكتەردى ايقىنداۋ جانە جي تەحنولوگيالارىن ەنگىزۋ بويىنشا پيلوتتىق جوبالاردى جۇزەگە اسىرۋ باعىتىندا كۇش-جىگەردى بىرىكتىرۋ», دەپ اتاپ ءوتتى ەرلان اقكەنجەنوۆ.سونىمەن بىرگە بيىل جي شەشىمدەرى بار عالامدىق ۆەندورلار مەن IT-كومپانيالاردان تۇراتىن AI-اليانس قۇرىلعان. وتاندىق IT ازىرلەۋشىلەردى قولداۋ ماقساتىندا مينيسترلىك پەن Astana Hub رەزيدەنتتەرى اراسىندا سالاعا جي شەشىمدەرىن ەنگىزۋ جانە سول باعىتتا بىرلەسىپ سىناقتار وتكىزۋ جونىندە مەموراندۋمدارعا قول قويىلدى.