ومان استاناسىندا وتكەن Asia Rugby Emirates Men’s Sevens Trophy 2025 تۋرنيرىندە ەل قۇراماسى بارلىق قارسىلاسىن ويسىراتا جەڭىپ, چەمپيون اتاندى. 12 ەلدىڭ ۇزدىكتەرى جينالعان دودادا سپورتىشالارىمىز بىردە-ءبىر ويىندا ۇتىلعان جوق, ناتيجەسىندە ازيانىڭ جوعارى ديۆيزيونىنا جولداما الدى, دەپ جازادى Egemen.kz.
ومانداعى ەكى كۇندىك جارىس توپتىق جانە پلەي-وفف كەزەڭىنەن تۇردى. قازاقستان قۇراماسى قىرعىزستان (44:0), ساۋد ارابياسى (27:0) جانە كاتاردى (34:7) جەڭىپ, ءوز توبىندا كوش باستادى. جارتىلاي فينالدا اۋعانستاندى 41:0 ەسەبىمەن تىزە بۇكتىرگەن وتانداستارىمىز فينالدا ءۇندىستان قۇراماسىن 27:0 ەسەبىمەن ويسىراتا ۇتتى.
وسىلايشا, قازاقستان كومانداسى تۋرنير بويى بارلىعى 173 ۇپاي جينادى. مۇنداي ناتيجەمەن ۇلتتىق قۇرامانىڭ ازيا رەگبي تاريحىندا العاش رەت Division 1 دەڭگەيىنە كوتەرىلۋى – ۇلكەن جەتىستىك. سونىمەن, فينالعا شىققان ەكى ەل – قازاقستان مەن ءۇندىستان جوعارى ديۆيزيونعا جولداما السا, وزبەكستان مەن تايبەي تومەنگى ليگاعا ءتۇستى.