وسكەمەن. 19 اقپان. شىعىس وڭىرىندە سوڭعى كۇندەرى اۋا رايى قايتا سۋىتىپ, قار جاۋىنا بايلانىستى, وبلىس ورتالىعىندا كوشەلەردى قاردان تازالاۋ جۇمىستارى كۇشەيتىلدى. بۇل تۋرالى egemen.kz ءتىلشىسى حابارلادى.
وسكەمەن قالاسىندا بەيسەنبىدەن جۇماعا قاراعان ءتۇنى 127, كۇندىز 85 تەحنيكا كوشەدەگى قاردى تازالاۋعا جۇمىلدىرىلدى. 140 جۇمىسشى جاياۋ جۇرگىنشى جولدارى مەن ايالدامالاردى جانە قار تازالاۋ تەحنيكالارىنىڭ قىزمەتىنە قيىندىق تۋدىراتىن ورىنداردى كۇرەكپەن تازالادى.
الدىمەن قالانىڭ ورتالىق كوشەلەرى قاردان ارشىلدى. كوشەدە كولىك كەپتەلىسىن تۋدىرماۋ ءۇشىن نەگىزگى تەحنيكا كۇشى تۇندەگى جۇمىس كەستەسىنە كوشىرىلدى. قازىرگى كەزدە قار تازالاۋ جۇمىستارى جالعاسۋدا. جۇرگىزىلگەن جۇمىستاردىڭ ناتيجەسىندە, كوشەدە كولىك قوزعالىسى قالىپتى جاعدايعا كەلتىرىلدى.
دۋمان اناش.
دەرەك: egemen.kz.
سۋرەت: وسكەمەن قالاسى اكىمدىگىنىڭ ءباسپاسوز قىزمەتى.