كوكشەتاۋ. 19 اقپان. كوكشەتاۋ اۋەجايى رەسپۋبليكا ىشىلىك جاڭا اۋەجولدارىن اشتى. ەندى قالا تۇرعىندارى مەن قوناقتارى «اقتاۋ-كوكشەتاۋ-اقتاۋ» باعىتىمەن كۇن سايىن ۇشا الادى. بۇل تۋرالى egemen.kz ءتىلشىسى حابارلادى.
جۇماسىنا ەكى رەت «اتىراۋ-كوكشەتاۋ-اتىراۋ» باعىتىمەن ساپار جاساۋ مۇمكىندىگى تۋدى. ەندى حالىقارالىق اۋەجاي ۇشاقتارى ءتورت باعىتتا قاتىنايتىن بولادى.
جوعارىدا اتالعان رەيستەردى «SCAT» اۋەكومپانياسى» اق CRJ-200 ۇشاقتارىمەن اتقاراتىن بولادى. اۋە ساپارلارىنىڭ ۋاقىتى جولاۋشىلاردىڭ اقتاۋ جانە اتىراۋ اۋەجايلارى ارقىلى سوتۇستىك كاۆكاز, رەسەي, تۇركيا جانە باسقا ەلدەرگە ۇشۋىن جالعاستىرۋعا قولايلى.
كوكشەتاۋ اۋەجايى 2013 جىلى تولىق قايتا قۇرىلىپ, اۋە كەمەلەرىنىڭ بارلىق ءتۇرىن قابىلداي الادى جانە ول ءى دارەجەلى حالىقارالىق تالاپتارعا تولىق جاۋاپ بەرەدى.
باقبەرگەن امالبەك.
دەرەك, سۋرەت: egemen.kz.