ماڭعىستاۋ وبلىسىندا «تازا قازاقستان» ەكولوگيالىق اكتسياسى اياسىندا جاڭا اۋقىمدى الەۋمەتتىك-ەكولوگيالىق جوبا – «تازا ماڭعىستاۋ» تاقىرىبىمەن 45 كۇندىك چەللەندج ءوتىپ جاتىر.
ءىس-شارا بارىسىندا تازالىق, اباتتاندىرۋ باعىتىنداعى جۇمىس جالعاسىن تابادى. اقتاۋ قالاسىندا «Mangistau Energo Munay» جشس «1 ادام – 5 اعاش» ەكولوگيالىق ەستافەتاسىن باستادى. ءوڭىردىڭ ورمان قورىن كوبەيتىپ, قوعامدا ەكولوگيالىق مادەنيەتتى قالىپتاستىرۋ ماقساتىنداعى اكتسياعا كومپانيانىڭ 40-قا جۋىق قىزمەتكەرى قاتىسىپ, جەرگىلىكتى كليماتقا بەيىمدەلگەن اكاتسيا, ۆياز, قارااعاش, سافورا اعاشتارىن ەكتى. العاشقى كەزەڭدە ولار «پرەزيدەنت پاركى» اۋماعىنا 100 ءتۇپ اعاش وتىرعىزدى.
– بۇل باستاما تەك ءبىر كۇندىك ءىس-شارا ەمەس, ءبىز ونى تۇراقتى داستۇرگە اينالدىرۋدى كوزدەپ وتىرمىز. ەستافەتانى وزگە مەكەمەلەرگە جولداپ, اقتاۋدىڭ ءار ايماعىندا اعاش ەگۋ ءىسىن جالعاستىرامىز. جالپى, ساياباق اۋماعىندا, قالامقاس, جەتىباي ۋچاسكەلەرىنىڭ اينالاسىندا 1 000 ءتۇپ اعاش وتىرعىزۋ جوسپارلانعان, – دەدى «Mangistau Energo Munay» جشس باس ديرەكتورىنىڭ ءوندىرىس جونىندەگى ورىنباسارى قۋانبەك بيعاليەۆ.
جاڭاوزەن قالاسىنا قاراستى تەڭگە اۋىلىندا دا قورشاعان ورتانى قورعاۋ, كوگالداندىرۋ باعىتىنداعى جۇمىس جۇيەلى جۇزەگە اسىپ جاتىر. تاۋەلسىزدىك الاڭى ساياباعىندا 30-عا جۋىق اعاش كوشەتى وتىرعىزىلدى, «TengeOilGas» جشس-نىڭ دەمەۋشىلىگىمەن تەڭگە اۋىلى اۋماعىندا اعاش ەگۋگە ۇزىندىعى 500 مەتر جەر بەلگىلەندى. الداعى ۋاقىتتا بۇل جەرگە سەرىكتەستىك ەكى قاتار اعاش كوشەتتەرىن وتىرعىزادى.
– شارا اۋىلدىڭ ەكولوگيالىق احۋالىن جاقسارتىپ, تۇرعىندارعا تازا ءارى جايلى ورتا قالىپتاستىرۋعا باعىتتالعان, – دەيدى تەڭگە اۋىلىنىڭ اكىمى ج.اگيسوۆ.
ماڭعىستاۋ وبلىسى